පිවිතුරුය පළමු - කරුනාරත්න දිවුල්ගනේ

පිවිතුරුය පළමු පෙම
බිහිසුණුය බිඳුනු දින
ලෙන්ගතුය සුවඳ ඔබ
සුදු හාමිනේ
තනිකඩය තවම මම....

වස්සාන කාලයක හිත දවා
අකුණු සැර නෙත් කෙවෙනි බොඳ කලා
මල් යාය බඹර ගී හඬතලා
කැකුළු පෙම මල් න‍ටුව හැර ගියා...

පිවිතුරුය...

කප් තුරට යදම් බැඳි ත‍ටු සලා
සක්මනට නුහුරු සිත තනි කලා
අවරගිර තරු වැටෙන් ගිලිහිලා
සුභ නැකත රන් හුයක පැටලුනා...

පිවිතුරුය...

මහරගමට වහින්නැතිව - චාමර වීරසිංහ

මහරගමට වහින්නැතිව 

වහින්න ඕනෑ තැනකට
කුඩ‍යක්වත් අතේ නැතිව 

ඈ ඇති බස් නැවතුම ලඟ...//

උදේ ඉඳන් වද විඳලා 

දැනු‍යි ගි‍යේ වැඩ ඇරිලා...//
ඇඳන් හිටපු සාරි‍යම‍යි 

හෙටත් අඳින්නේ කියලා

හෙටත් අඳින්නේ කියලා...
මහරගමට වහින්නැතිව...

මහ වැස්සට තෙමුනොත් ඈ 

හෙට අඳින්න ඇඳුමක් නෑ...//
මග හිටි‍යොත් වැස්ස නිසා 

ගෙදර ‍යන්න වෙන්නෙත් රෑ

ගෙදර ‍යන්න වෙන්නෙත් රෑ...

මහරගමට වහින්නැතිව...

සුදු පාට මල් - කරුනාරත්න දිවුල්ගනේ

සුදු පාට මල් වැටුනු අරලියා සෙවන යට
බාලිකාවේ සුවද තනිවෙලා
අපි ඉතින් වෙන්ව යමු අපි අතින් ගිලිහ ගිය
සියලු දේ අතීතෙට පවරලා..

ඈසල සද දිය නොවුන ඈත වෑවු තල කොනෙක
ගයා නිමවු කවිය ඉකිබිදී
අපට අප පමනක් නොවේ නෑන නුවන් සෑදු
තක්සලාවත් අහිමි වීලා..

සිනා සරදම් පිරුනු පන්ති කාමර අතර
ගෙවී ගිය මල් සමය සිහිනෙකි
සදට ඉකි බිදි හඩන නොදරුවන් නොවී යලි
සිනාසෙමු අතීතෙට සෙනෙහසින්..

සුදු පාට මල් වැටුනු...

ජැන්ඩි පහට - ඉන්ද්‍රාණි පෙරේරා

ජැන්ඩි පහට ඇඳලා 

අනංගයා වාගේ 

ඔබ යන හැටි දැකලා 

සිත බැඳුනා මාගේ 

ඇයි දැන් නොබලන්නේ 

ඔබ ඉස්සර වාගේ 

වරදක් නැහැ මාගේ 

තරහක් නැහැ මාගේ....

ඔතරම් ආඩම්බර ඇයිදෝ 

ඉවත බලන්නේ තරහයි දෝ 

හිනාවෙලා බලන්නකෝ 

ආදරේ යැයි කියන්නකෝ... 

ජැන්ඩි පහට...

මතක් වෙලා එන බව දනිමී 

එදා මමත් ඔබ මගහරිමී 

මුසා අසා රැවටීලා 

යන්න එපා පිටුපාලා...

ජැන්ඩි පහට...

ආදරේ කියන්න - ඉන්ද්‍රාණි පෙරේරා

ආදරේ කියන්න දන්නෙ නෑ 

ආදරේ කරන්න දන්නෙ නෑ 

ඈත මෑත දෝ යොවුන් හදේ ද දන්නෙ නෑ 

කවුද මේක මැව්වෙ දන්නෙ නෑ ...// 

සිනිඳු මල් වලින් පෙනෙන්නෙ නෑ 

මුහුදු රැල්ලකින් නැගෙන්නෙ නෑ 

පාට දේව දුන්නකින්ද නෑ පෙනෙන්නෙ නෑ 

කවුද මේක මැව්වෙ දන්නෙ නෑ...//

ආදරේ කියන්න....

නිල් වලා තුලින් පෙනෙන්නෙ නෑ  

තාරකා තුලින් දිලෙන්නෙ නෑ  

සීත රෑ සුළං තුලින්ද නෑ දැනෙන්නෙ නෑ 

කවුද මේක මැව්වෙ දන්නෙ නෑ..// 

ආදරේ කියන්න..//

අතැඟිලි බැඳුනේ - ඉන්ද්‍රාණි පෙරේරා

අතැඟිලි බැඳුනේ ඇයි මේ විලසින් 

ඔබ හමුවෙන්න කලින් 

සෙනෙහස ඔබගේ කෙලෙස විඳින්නද 

අන්සතු ළඳකි මෙ මං.... 

ඔබ ළඟ ඉන්නට ඔබ ලැබ ගන්නට 

මා හට නොමැත වරම් 

මිහිපිට මා හට නැහැ වෙන සතුටක් 

ඔබෙ රුව දකින තරම් 

සෙනෙහස ඔබගේ කෙලෙස විඳින්නද 

අන්සතු ළඳකි මෙ මං.... 

සිත සිත ඔබ ගැන දින දින ළතවෙමි 

වෙන මා කරමි කුමක් 

හමුවුණෙ ඇයි අපි ඇසුරු කරන්නට 

එය මා සිතට දුකක් ‍

සෙනෙහස ඔබගේ කෙලෙස විඳින්නද

අන්සතු ළඳකි මෙ මං....

සිතු පැතු සැම දේ නැහැ ඉටුවෙන්නේ 

ලොව අපි පතන ලෙසින් 

මතු එක්වෙන තුරු යළි වෙන්වෙමු අපි 

ඔබ හට ආයුබොවන් 

සෙනෙහස ඔබගේ කෙලෙස විඳින්නද 

අන්සතු ළඳකි මෙ මං....

ඔබ ඈත සඳ - බණ්ඩාර අතාවුද

ඔබ ඈත සඳ වී පායා
මම මෑත තරුවක පිපිලා
මේ නිසල රැයේ ලොව නිදනා
මා ඔබ ඔබ මා ළඟ ඉන්නා......

අප දුරින් දුරක වුව තනියේ
නෙත් සරින් පමණි හමුවූයේ
ඒ ඈත් බවිනි හද අඳුරේ
සෙනෙහසේ සොඳුරු බව පිරුනේ...

ඔබ ඈත සඳ....

මධු සඳ තරුවද හමුවීලා
සිටියද ඔබ මා ළංවීලා
ඒ දුරක එදා අප පිපිලා
තිබු සොඳුරු සෙනේ ගඟ සිඳිලා..

ඔබ ඈත සඳ....

දඟර වානෙ කම්බි වගේ - කුමාර තිරිමාදුර

දඟර වානෙ කම්බි වගේ අඟර දඟර දාගෙන
මොණර පැටික්කිය වාගෙයි මයුර තාන තම්දෙන
හතර අතට කරක කරක හැම නෙතටම රිංගන
මහරගමදි හම්බවුණේ මේ උඩැක්කි කෝළම
මහරගමදි හම්බවුණේ මේ උඩැක්කි කෝළම

උඩ බාගෙ හංස අඩවි අඩක් හිරු එළියට ඇරගෙන
පශ්චාත් භාගෙ යාන්තමින් කොට ඇඳුමින් වහගෙන
නොබැලුවොතින් ඒ ඇස් දෙක උගුල්ලන්න සිත්වෙන
තාන තනම් ත්ම් දෙන තන මේ උඩැක්කි කෝළම
තාන තනම් ත්ම් දෙන තන මේ උඩැක්කි කෝළම

දඟර වානෙ කම්බි වගේ...

පවුල් අවුල් වෙන්ට පවා පෙර සළකුණු පතුරන
ඒක බැල්මට ඇස් ඉස් මස් ලේ සේරම පිච්චෙන
අනුරාගය තෑගි බෙදන මුව හසරැලි නංවන
තාන තනම් ත්ම් දෙන තන මේ උඩැක්කි කෝළම
තාන තනම් ත්ම් දෙන තන මේ උඩැක්කි කෝළම

දඟර වානෙ කම්බි වගේ...

පියඹා යනවා මා ආකාශයේ - ක්ලැරන්ස් විජේවර්ධන

පියඹා යනවා මා ආකාශයේ
අවසානයි ප්‍රේමාදරේ
ගිරවෝ කොවුලෝ
මිදුනා මා ආදරෙන්...//

පෙම් බැන්දදා ඉදන් උපන් හදේ
හිත වේදනා ඉතින් රිදුම් නොදේ
ජීවිතේ පුරා පවන් සැලේ
මල් මල් යොවුන් වියේ ජීවිතේ

පියඹා යනවා මා...

රෑ නින්ද යා නොදී හිතේ උපන්
නෑ පෙම්වතී කියා රුවක් ඉතිං
පෙම් යදම් සිදී බිදී ගිහින්
මල් මල් යොවුන් වියේ ජීවිතේ

පියඹා යනවා මා...

ගමට කලින් - කරුනාරත්න දිවුල්ගනේ

ගමට කලින් හිරු මුලු තැන් ගෙට වඩනා
ඒ හිරු එලියෙන් නැන මල් පොඩි පිපුනා
ඒ මල් සුවදේ අද ලෝ තුරු සුව විදිනා
කළා වැවේ නිල් දියවර අපෙ අම්මා...

රෑ කලුවර අරගෙන දරුවන් එනතුරු
සිත නෑ නිවන් දකින්නේ
රෑ කලුවර ඇවිදින් ඉකි බිද හැඩුවට
හිත නෑ නිදි විද ගන්නේ....
හෙට අරුනට සැරසෙන තව දවසක් ගැන
නින්දේ සිහින දකින්නේ
මහ මායාවෙනි කවදාදෝ ඔය නෙත්
දරු සෙනෙහසින් මිදෙන්නේ...

විල්, දෙනි වල ඇවිදින දෙපා රිදෙන විට
විහඟ ගීත බණ පද වේවා
බෝ මලුවක ඇවිලෙන පහන් වැටක් සේ
තුන් සිත නිවී සැදේවා...
මතු උපදින සසරෙ විශාඛාව වී
මෙත් මග නෙත් හමු වේවා
ඇත් රජිණියනේ ඔබෙ නැලවිලි ගීතය
ලොවම නිවන කවියක් වේවා...

ගමට කලින්....

අපේ අහිංසක ආදරේ - අමරසිරි පීරීස්

අපේ අහිංසක ආදරේ
ලොවම එරෙහි වන
ලොවට වසන් වන
අපේ අහිංසක ආදරේ
අපේ අහිංසක ආදරේ....

උයන් කොනක හිඳ සිසිලස විඳිනු බැරි
අවන්හලක ලැග දොඩමළු වන්න බැරි
පවන් රොදක නැඟ සිහිනෙක වෙළෙනු බැරී
අපේ අහිංසක ආදරේ....

කීවත් කෙනෙකුට අදහාගන්න බැරි
කියන්නේ කෙලෙසද මටවත් සිතනු බැරි
රන්හුය පටලා කෙලවර දකිනු බැරි
අපේ අහිංසක ආදරේ...

අපේ අහිංසක ආදරේ...

mp3 ලින්කුව මෙතනින්

පලංචියේ - සුනිල් එදිරිසිංහ

පලංචියේ ලී ඉරුවේ අපි එකට
මල් පැන් පොදක් රහ බැලුවේ අපි එකට
එක වාඩියේ කල් ඇරියත් හිත හොදට
ඇයි මස්සිනේ පෙම් කලෙ අපි එක මලට...

විරසක් වී රුපුන් ලෙස යුද වදින්නද
කුලුදුල් පෙම මෙයයි ඉන් අත් මිදෙන්නද
පෙම් දම් නිසා මිතු දම් බිද දමන්නන්ද
හොද හිත නුඹේ තරම් ලොවකින් ලබන්නද....

පලංචියේ....

දොඩමලු කතා නෑ අද වාඩිය හෙවනේ
නිදි නැති රැය පුරා නුඹේ සුසුමයි ඇසුනෙ
හොර රහසින්ම එක සුවදක් පැතූ සදිනේ
නුඹවත් නැතිවේද හෙට මට සකි සදුනේ....

පලංචියේ ලී....

ගැලු දිය කද - අසංක ප්‍රියමන්ත පීරීස්

ගැලු දිය කද හැපී බිදුනා
තිසා වැව් බැම්මෙ
ඉතිං නුඹ නෑ මමත් හෙට නෑ
තිසා වැව් ඉවුරෙ....//

ඒදා සාලිය අසෝකාවන් වගෙ අපි දෙන්නා
මගුල් උයනෙ කෙරූ සක්මන් 
අදින් පසුනම් නෑ
රන් පියුම නැති දා විල් තලය හැඩ නෑ....

ගැලු දිය කද...

පැතලි රුවසෙ ඒකට ඉන්නට අපිට පිං නැති දා
ඉසුරුමුණියෙ කිසිම අගයක් 
ඉතිං දැන්නම් නෑ ‍
පව් කෙරුව හින්දා වෙන්ව යමු නොහඩා....

ගැලු දිය කද...


mp3 ලින්කුව මෙතනින්

මනලෝලී මනමාලියේ - රූකාන්ත ගුණතිලක,චන්ද්‍රලේඛා පෙරේරා

මනලෝලී මනමාලියේ
ඔය දෑසේ කැල්මන් වෙලා
මාගෙ දෑතේ දැවටී ආවේ
පවසන්නදෝ ආදරේ....
කවදා හෝ සංසාරයේ
එක් වීලා අතිනත් වෙලා
ආවා වගේ ඔබ මේ ආවේ
පවසාලා ප්‍රේමාදරේ...

මුව මදහාසේ ඔබ මට පෑවේ
විහිදා පෙම් ආරාධනේ
ඉඟියෙන් වාගේ රහසින් කීවේ
සැනසීමයි මේ ජීවිතේ
ඔබ හිනැහේවී පුන්සඳ වාගේ
පායාලා මාගේ ලොවේ....

මනලෝලී මනමාලියේ....

ඇයිදෝ නොහැගේ ලෙන්ගතු වූයේ
ඔබ මා ලංවීලා මෙසේ
ලතැවුල් ජීවේ සංසිදවූවේ
දෙනෙතේ දල්වාලා සෙනේ
ඔබ සුව ගේනා සුවඳක් වාගේ
පාවේවී මාගේ ලොවේ........

මනලෝලී මනමාලියේ....

සුදු මුතු රලපෙල - ටී.එම්. ජයරත්න, නීලා වික්‍රමසිංහ

සුදු මුතු රලපෙල කිදුරු කොදෙව්වේ
පාවඩ පලස එලා
සිදු ලද ගෙන දුන් මුතු කැකුලක් සේ
ඔබ මට තිලිණ වෙලා....//

යුග දිවි වෑල්ලේ අදුරු ඉසව්වේ
මුකුලිත සිතෑගී සලා
අරුණෑල්ලක් සේ නුබ මිණ පායා
සනහස ජනිත කලා....

සුදු මුතු රලපෙල....

සැඩ රැළ රැල්ලේ සැලෙන කැදැල්ලේ
රැදුනෙමි සරණ සොයා
පවනැල්ලක් සේ
පවනැල්ලක් සේ නොම හැර ආවෙමි
ඔබ හද සැදෙනතුරා....

සුදු මුතු රලපෙල...

නිහඩ කල්පනා - එඩ්වඩ් ජයකොඩි

නිහඩ කල්පනා ලොවක තනිවෙලා ඔබ හඩයි
කරන චෝදනා මොනවදෝ කියා නොම හැගෙයි
නැගෙන වේදනා තුරුණු මා සිතේ අපමනයි
අචල ආදරේ බෑදුනේ ඔබ කෙරේ එලෙසමයි...

ඉවත පාවෙලා යන්න සිතුනිදෝ මා කෙරෙන්
වෙන අයෙක් කෙරේ බැදුනිදෝ ඔයා ආදරෙන්
සිහිනයක් ලෙසින් බොදවෙලා නොයන් මා සිතින්
හිනැහීලා බලා සනසවන්න මා ඔය නෙතින්....

නිහඩ කල්පනා ....
අසරණයි මෙමා වැරදි නෑ කලේ කිසි දිනේ
ඔබේ සිතේ සමා දෙනු මැනේ ලදේ පා සෙනේ
හදවතින් විදී වේදනා සුසුම් පා වුනේ
නැතිවදෝ අපේ සිත් එදා ලෙසින් යාවුනේ...

නිහඩ කල්පනා ....

කවදාද ආයේ එන්නේ - ෂර්ලි වයිජන්ත

කවදාද ආයේ එන්නේ
හමුවන්න මා ඉතින්
දෙනුවන් අයා සිටින්නේ
හමුවන්න ඔබේ දසුන්...//

රෑ බෝ වීලා අද දිනගෙවිලා
වෑඩිහිටියන් බලා ඈති
අප දුටුවෝතින් සිදුවෙයි නපුරක්
වෙන්වී යමු හනික අපි...//

කවදාද ආයේ...

අප වෙන්වීලා ඉමු සිත් බෑදිලා
මුලු ලෝක‍ය බලා හිදී
අපමන බාධා අපවට සෑදිලා
එක සිත් සේ හිදිමු සෑටි....//

කවදාද ආයේ...

විකසිත පෙම් - ඩබ්.ඩී.අමරදේව

විකසිත පෙම් පොකුරු පියුම්
ඔබේ පයට පොඩි වී ගියා දෙන්
පතිකුලයට අද මට පිටුපා යන
මගේ සොදුරු ලදුනේ
මගේ සොදුරු ලදුනේ......

හිතේ කදුලු බිදු රෑ තනි යහනේ
ඉහ ඉද්දර හිද ඉකිබිදිනා සද
ආදර සෑමරුම් ප්‍රේම පුරානේ
ඔබට විරහ ගිනි නොගෙනේවා
ඔබට විරහ ගිනි නොගෙනේවා.....

විකසිත පෙම්....

තනිකම රජයන පාලු නිවහනේ
ගොන්මන් කලුවර හඩා වෑටෙද්දී
ඔබ දිවි අරණේ රුවන් විජිතයේ
මැණික් පහන් වෑට දෑල් වේවා
මැණික් පහන් වෑට දෑල් වේවා....

විකසිත පෙම්....

රන් මලක් ලෙස - සුනිල් එදිරිසිංහ

රන් මලක් ලෙස දෙව් බබුන් දෝතින් පිදූ මේ පින් බිමේ
පස් පිඩක් ගිලිහී නොයන්නට රන් වැටක් ඇත සිව් කොනේ
නෙත් පුරා එක හීනයෙ මුළු ලෝකයා නිදනා රෑයේ
දේශයේ මුර දේවතා එළි රෑ පුරා දැල් වී තියේ.....

ලෙහි හොවා වැඩු සිය පුතුන් අත අවි දාර වැද රණ මතින්
පෑ විකුම් දැක දෑ බැතින් මිස අත් මුදුන් දෙති පිය වරුන්
මව් බිමේ හිමිකම් පතා තම දිවි පිදූ කල ඒ පුතුන්
තුන් හෙළෙ හැම මව්වරුන් ලය කිරි එරී ඇත උන් නමින්....

රන් මලක් ලෙස...

මව් කුසින් නොව මිහි කුසින් සිරි ලක උපන් විරු දරුවනේ
අපි ඔබෙන් නව පන ලබා මෙහි යලි උපන්නෙමු අද දිනේ
නෑසියන් සොයුරන් ඔබෙ අද දූ පුතුන් හැම මේ බිමේ
හදවතින් අපි යුධ බිමෙහි ඔබ තනි කලේ නැත කිසි දිනේ

හදවතින් අපි යුධ බිමෙහි ඔබ තනි කලේ නැත කිසි දිනේ...///

දෙතොල් තෙලිතුඩෙන් - සුරේන්ද්‍ර පෙරේරා

දෙතොල් තෙලිතුඩෙන් රස හැඟුම් තවරලා
කොපුල් තල දිගේ හෙමින් අතුරලා
මෙ ලයට තුරුලු වී හිතේ ඉඩ අරන්
පෙම් සිතුවමක්‌ මැවු සුපෙම් සිත්තරී
නුවන් කැල්මකින් නුරා වර්ණ දී
ජීවිතේ කලා අසපුවක්‌ කෙරූ සොඳුරී.......

රෑ දවසේ නොමැකී
ලා සඳ සේ සැප දී
රෑ මියෙනා මොහොතේ
ආයේ හිරු සේ ඇවිදින්
නුවන් කැල්මකින් නුරා වර්ණ දී
ජීවිතේ කලා අසපුවක්‌ කෙරූ සොඳුරී.....

පාලු යහන් පෙරලා
සෝ සුසුමන් පලවා
මා යනෙනා කොතැනේ
හුස්‌මක්‌ සේ ඇවිදින්
නුවන් කැල්මකින් නුරා වර්ණ දී
ජීවිතේ කලා අසපුවක්‌ කෙරූ සොඳුරී.....

දෙතොල් තෙලිතුඩෙන්....

මා සමගින් - ජගත් විත්‍රමසිංහ

මා සමගින් ගිය පාරේ
ඔහු හා අත් බැදීලා
ඔබ හෙට යාවී
අපේ සැමරුම් මතකේ සිතුවම් 
සිත ලග තනි කරලා...//

අපේ කතාවන් එදා අසා සිටි 
අපට සෙවන දුන් අපට සිසිල දුන්
ගහකොල සුලගට ඔබ දෙදෙනා දැක 
හරිම දුක හිතේවී
මා සමගින් ඔබ ගිය ඒ පාරේ
මින්පසු කිසිදින නොයනු මැනවි ප්‍රියාවි....

මා සමගින්....

මගේ ලයේ දුක විඩා දරාගෙන
මට පමණක් හෙට එතනට යන්නට
අවසර දෙනවද ඔබ ඔහු හා එහි 
නොයනු මැන දයාවී
මා ඉන්නම් එහි මගේ මේ දෑසේ
කදුලැලි නැගෙනා අරුත ගැන කියාදී....

මා සමගින්....

සිත පරව ගියා - චන්දන ලියනආරච්චි

සිත පරව ගියා
වත මිලින උනා
කදුලින් දෑස තෙමා
ඔබ හදුනා ගනු කෙලෙසින්.....

මොහොතක මා සිත පිනවයි
යලි මා එලෙසින් රිදවයි
මුසා බසින් මා රැවටී යාදෝ
සිතුදේ නොමවේ පැතුම් මැවේ...

සිත පරව ගියා...

වසන්තයක් යලි ඒදෝ
කතරක මා තනි වේදෝ
මසිත සොරාගන වෙන්වී නොයන්න
දුකෙහී සැපැහී මා ඉන්නම්...

සිත පරව ගියා...

කාලය ඔබ මට - ඩබ්.ඩී.අමරදේව

කාලය ඔබ මට කල දේ කදිමයි
තාලයකට ගල ගලා ගිහින්
ආලය පිළිබඳ සිත රිදවාගෙන
ඈ මා හැර වෙන අතක ගිහින්....

මේ ඉර වාගෙම මේ හඳ වාගෙම
කොපමන ඉර හඳ බැස ගියෙදෝ
ඈ හද බැන්ඳූ ආල හැඟුම්
ඒ ඉර හඳ යට සැඟවුනිදෝ....

පැමිණෙන පිරිපත කාලය විසදයි
කී පෙර පඬිවරු කවුරුන්දෝ
කාලය ඔබ හට ඉඩදී මා ලද
සාපය ගෙවනුයේ කෙලෙසකදෝ....

කාලය ඔබ මට..

නපුරු වෙන්න එපා - චාමර වීරසිංහ

නපුරු වෙන්න එපා කියලා නපුරු නොවී කීවා
දරුනු වෙන්න එපා කියලා දරුනු නොවී කිවා
මා  ආදර මගෙ අම්මා
මා  ආදර අම්මා....
ඇගේ ආදර ලේ කිරි මම රසකර කර බිව්වා
මගෙ ලෝකය මගෙ විශ්වය ගෙදර බුදුන් අම්මා
මා  ආදර මගෙ අම්මා
මා  ආදර අම්මා...

කදුලු බින්දු හංගා මට සුරසැප දුන්නා
රසමසවුලු මට දීලා ඇය නොකාම උන්නා
දරු සෙනෙහස හින්දා අපමන දුක් වින්දා
දුක් කරදර ඇය විදගෙන මට සුවයම දුන්නා
මා  ආදර මගෙ අම්මා...

යන එන තැන විමසා මා පසුපස උන්නා
හිත රිදුනම හිස අතගා දුක් ගින්දර නිව්වා
නිවැරදි මග පෙන්වා ගුරුහරු කම් දුන්නා
ඔබට තියන ණය ගෙවන්න සසරම මදි අම්මා
මා  ආදර මගෙ අම්මා...

නපුරු වෙන්න එපා...

කදුලු කථාවේ - ඩබ්.ඩී.අමරදේව

කදුලු කථාවේ නිමක් දුටුව දා
සිහින ලතාවේ මලක් පිපුන දා...//
සතටු ගඟක් ගැලුවා
හදට හදක් බැදුනා....

ආසිරි චාමර පවන් සැලී
සෝ දුක් සංකා සෙමින් මැකී...//
දෙගුරුන් මිතුරන් සුපැතුම් මැද්දේ
අපේම ලොව අපි තනිවූයේ...

කදුලු කථාවේ....

සුසුමක පාකර හසුන් යවා
දෙතැනක තනිවී හඩා දොඩා....//
ගෙවුනු අතිතෙන් අපි සමු ගන්නෙමු
අලුත් ලොවක රන් කිරුලු දරා...

කදුලු කථාවේ....

සුමුදු සයනේ - ටී.එම්. ජයරත්න

හෙමින් සැරේ පියා විදා....//
සුමුදු සයනේ සිනිදි ඇතිරිල්ලෙන්
පලා ඇවිත් සිතුම් සියොතුන්
සුමුදු සයනේ සිනිදු ඇතිරිල්ලෙන්

මලක් නම් එය මලක් උව මැන
සිනිදු සුකුමල රුවෙන් සරසන
විලක් නම් එය විලක් උව මැන
නීල ඉදුවර දියෙන් උපදින...

හෙමින් සැරේ පියා විදා..

නැවුම් වත්සුනු රොනින් මත්වී
සිහින නිම්නය සුපුෂ්පිත වෙයි
සිහින හදකින් මහද අමතයි
මුදා හැරදා කවුලු සිරියහනේ

හෙමින් සැරේ පියා විදා......

සීත අරණේ - මිල්ටන් මල්ලවආරච්චි

සීත අරණේ සුපුල් නාමල
සුවඳ ගැල්වූ ජීවිතේ

සීත හිමගිර සීත නොදැනේ
දැනේ උණුසුම ආදරේ....

ලතාවක් සේ වෙලී සියොලඟ
පතමි රැකවරණය ඔබෙන්..//
සදා දෝතින් මලක්සේ ඔබ
වැලඳ ගන්නෙමි හදවතින්
හදවතින්...

වළාවක් සේ අයාලේ ගිය
සිතට නිවහන ඔබ ලඟයි..//
මහා කතරෙක ගෙවූ තනි මග
නිමා කල ඉම ඔබ නෙතයි
ඔබ නෙතයි...

සීත අරණේ...

සුන්දර උයන් පෙතක - සේනානායක වේරලියැද්ද

සුන්දර උයන් පෙතක නුඹ පිපුනා නම්
පින්සර දෑත් වලින් නුඹටත් සැලකුම්
මින් පෙරදාක කරපු පව් දී පඩිසන්
අන්දර කැකුළේ නාඬන්....

අපට විහාරයේ දොර වී අඩවල්
ගියාට ලොව වැරැද්දකින්
දුකට සැපට පිහිටට වන බැද්ද තියෙද්දින්
කුමට අපි ළතැවිල්ලෙන්....

සුන්දර උයන් පෙතක...

සසර අගාධයේ වෙරළට ඔරුවෙන්
බලාන හොඳ පරිස්සමින්
සරණ නොලද මල් අපි කටු කැලේ හැලිද්දෙන්
ඉඳිමු හිත සැනසිල්ලෙන්...

සුන්දර උයන් පෙතක...

මේ උයන් තෙරේ - නිර්මලා රණතුංග

මේ උයන් තෙරේ මෙ තුරු සෙවනෙ
ඔබේ කතා මට තවම ඇසෙ
මේ නදී තෙරේ මේ අඩි පාරේ
ඔබේ සිනා මට තවම පෙනෙ...//

ඔබ එදා කියූ වදන් ලියා ඇති සිතේ
නැ ඉඩක් යලිත් සදා අන් සිතක් කෙරේ..//
අතර මගක මා දමා තනිව මේ ලොවේ
කොහෙද ඔබ ගියේ කියන්න කොහෙද ඔබ ගියේ...

මේ උයන් තෙරේ...

අප එදා පෙමින් වෙලී දෙපා නැගු මගේ
නෑ තවත් මැකී ගියේ මුදු වදන් ඔබේ...//
යලිදු ඔබ එතැයි පතා හිදිමි ඒ ලොවේ
කොහෙද ඔබ ගියේ කියන්න කොහෙද ඔබ ගියේ...

මේ උයන් තෙරේ...

සුමනෝ - ගුණදාස කපුගේ

පබළු නගේ නා මල් තිලකේ
පුංචි ඔසරි මැණිකේ
සුමනෝ

නුඹ ඇයි නැත්තේ....

වැවේ දියේ ඇති නිකිණි නිමෙල්ලේ
අඩ හඳ යායට කෙකටිය පිපිලා
වැව් කන්දේ බෝ ගස් හෙවනේ
මම අද තනියම ඔලිද ගණිනවා..
වෙනදා වාගෙම තල මල පිපිලා
තිබුනට ඇල ලඟ වත්තේ
සුමනෝ

නුඹ ඇයි නැත්තේ....

මල හිරු එලියෙන් කොක්කු ගියාදෝ
මිහින්තලා ගල පැත්තේ
පිරුවට ඇඳ පෙට්ටියක තියාලා
පාන් දෙපස එළි මැද්දේ
මදටිය වැටෙද්දී හඳ කැලතෙන ඇල
ඒ දණ්ඩේ ඉස්මත්තේ
සුමනෝ

නුඹ ඇයි නැත්තේ....//

අරලිය ලන්දට - නන්දා මාලිනී

අරලිය ලන්දට  සඳ පායන කොට
තුරුලිය මල් වට  බඹරු බමන විට
සිය සිය සිය දහසට  ඇඟිලි ගණිනා මට
ඔබ ගැන සිහිවෙනවා එතකොට
ගී පද ලියැවෙනවා...

රඹවන් හේනේ  කරල් පැසෙන කොට
අඹ මල් ගානේ  ගිරව් හඬන විට
දොඹ තුරු මානේ  සෙවන දකින මට
ඔබ ගැන සිහිවෙනවා  එතකොට
සිතිවිලි ඉගිලෙනවා...

අරලිය ලන්දට...//

දඬු‍වැල් බෑ මී  සුවඳ දැනෙන කොට
පඬුවන් අහසේ  තරු පායන විට
හැඬුමට නොහැකිව  දෙඇස වසන මට
ඔබ ගැන සිහි‍වෙනවා  එතකොට
සිහිනය උපදිනවා....

අරලිය ලන්දට...//

හදේ කොතැනක - සුනිල් එදිරිසිංහ

හදේ කොතැනක හෝ හිදී ඔබ
නිදා නොනිදා මෙන්
බලා අවසර සොයා කල් දැන
වෙලා හසරැහැනින් 

පෙලයි මා මුදා සුව දැහැනින්....//

සයුරු ඉම රත් ක්ෂිත්ජ රේඛාවේ
මියෙන හිරු සේ ගිලී බිම් අදුරේ
තලා මා සිත පලා ගිය ඔබ
දවයි මා 

තනිවෙනා මොහොතේ...

හදේ කොතැනක....

උතුම් පිවිතුරු ප්‍රේමයේ නාමෙන්
සහස් සුවහස් පැතුම් බල මහිමෙන්
ඉනූ කදුලද සිදෙන්නට පෙර
යදින්නම්

ඔබ මැකී යනු මතකින්...

හදේ කොතැනක....

මගෙ බිසවුනේ - ගුණදාස කපුගේ

මගෙ බිසවුනේ අසාපන්
නුඹ මන්ත්‍රි දේවි නොවුනි
දුෂ්කර වු ඒ පළාතේ
මට යන්න දෙන්න දේවි...//

මේ කදුළු ඇයිද දෑසේ
බැ යන්ට නුඹට ඉමයේ..//
ගොස් ඉන්ට කුලී නිවසේ ‍
විස ඝෝර සර්ප බවනේ..

නුඹ චන්ද්‍ර මඩල වැන්නේ
සා පැටව් එහි නිදන්නේ..//
හාමතේ නොදා දරුවෝ
නවතින්න බිසව් නගරේ.....

නුඹ නොදී එතෙර රටටා
දරු නොදී වාල් කමටා...//
දිවි පු‍දා තොප රකින්නම්
නොපුරා එ මෙත් පෙරුම් දම්...

මේ කදුළු ඇයිද...//

ලොවම එපා වී - නන්දා මාලීනී

ලොවම එපා වී ලොවම කලකිරී
දැවී දැවී හිදිනා වේලේ
ඔබේ දයාබර එකම වදනකින්
මගේ ආත්මය සුවපත් වේ...

අසා අසෝබන නින්දා ගැරහුම්
වැලහින්නක සේ වැලපෙන මොහොතේ
පවනේ පාවෙන ඔබේ සුවදකින්
පිපාසිත වූ හද සිහිලැල් වේ...

ලොවම එපා වී......

ලබා නොමිනිසුන් නගනා ගෙරවුම්
මුවැත්තියක සේ බියපත් මොහොතේ
සිරුරේ තැවරෙන ඔබේ සුසුමකින්
මුළු ගැන් වුන සිත උණුසුම් වේ....

ලොවම එපා වී.....

සිනා පොදක් වී - දීපිකා ප්‍රියදර්ශනී පීරීස්

සිනා පොදක් වී ඔබගේ දෑසේ
නිදන් ව ඉන්නට පෙරුම් පිරූ මට
කඳුලැල්ලක් වී ඔබගෙ දෑසින්
ගිලිහී යන්නට උරුම කලේ ඇයි....//

සෙවනැල්ලක් සේ ඔබ දිවි ගමනේ

අත්වැල වන්නට සැරසී උන් මා...//
මිරිඟුව දක්වා නෙතු යුග නවතා
වල්මත් කරදා සැඟව ගියේ ඇයි

වල්මත් කරදා සැඟව ගියේ ඇයි...

මල් කැකුලක් සේ ඔබ හද උයනේ
විකසිත වන්නට සැරසී උන් මා...//
සිත ගිනි අවුලා පියවර අවුරා
අසරණ කරදා ඉවත ගියේ ඇයි

අසරණ කරදා ඉවත ගියේ ඇයි....

සිනා පොදක් වී....

කුරුල්ලන්ට ගී - වික්ටර් රත්නායක

කුරුල්ලන්ට ගී හදන්න
ගහට කොළට පාට එන්න
වීසි කළෙමි හදේ තිබුණු
ආදරයයි, කරුණාවයි
කාටවත් නොදී...//

විරහ වේදනා වින්දා
ඇසුවෙමි අවමන් වින්දා
ආදරයත් කරුණාවත්
හදේ දරා සිටි හින්දා....

කුරුල්ලන්ට ගී....

කුරුලු ගීත මට ඇහුණා
ගහේ කොළේ මල් පිපුණා
ළඳකට පිදුවාට වඩා
සතුටක් මට ඉන් දැනුණා....

කුරුල්ලන්ට ගී....

ඈත ක්ෂිතිජයේ - ෂර්ලි වයිජන්ත

ඈත ක්ෂිතිජයේ හැඩට රුවින් දිලෙන තරුව ඔබ නම්
මේඝවලා සලු පට අතරින් මම ඔබ වෙත එන්නම්
මෑත තුශාරා බිදු අතරේ පිපුනු කුසුම ඔබ නම්
සද මඩලේ සද කුමරිය වී මම ඔබ සුරකින්නම්......

ඉරට මුවාවෙන් සදට මුවාවෙන්
අපි ඉමු පිලිසදරේ
රන් දෝලාවෙන් කැදවා යන්නම්
කුමරි‍යේ ඔබ මාගේ....

සදලු තලාවේ මුනින් තලාවී
කදුලැලි පිරුනු නෙතින්
සමුගන්නම් මම කුමරිය ඔබගෙන්
ආයෙත් දකිනු රිසින්....

ඈත ක්ෂිතිජයේ...

මගෙ ආදර පවසට - ක්‍රිෂාන්ත එරන්දක

මගෙ ආදර පවසට ඔබ
නියං කලට අඩන අහස 

මගෙ ආදර වරුසාවට
යටිකුරු කල කලසකි ඔබ...

මගෙ ආදර සිලිලාරට
‍නෙලුම් පතකි ලදුනේ ඔබ....//
ආදර උල්පත වියලන
ගිම්හානයේ සැඩ හිරු ඔබ...
මගෙ ආදර පවසට...

ගිම්හානය වෙනුවට මම
වස්සානය වී එන්නද...//
ඒ වැස්සෙන් පෙම්වත් වූ
මිහිලිය වී මම එන්නද...
මගෙ ආදර පවසට...

පූජාසනයේ වැඩ - නන්දා මාලීනී

පූජාසනයේ වැඩ හිඳුවා
ඔබට පුදන 

මේ ලෝකයමයි හෙට
ඔබට එරෙහි වී නැගිටින්නේ....//

ඉසුරින් කිත් යසසින් බබලන දා
ඔබගේ බැනුමත් ගීයක් වේ
ඉසුරින් කිත් යසසින් පිරිහුනු දා
සිනාසුනත් එය වරදක් වේ.....

පූජාසනයේ වැඩ....

කිරියෙන් පැණියෙන් උතුරා යන කල
ලොව ඔබ පාමුල හඬා වැටේ
අතමිට හිඟ වී බෙල සුන් වන කල
ලොව ඔබ හිස මත කඩා වැටේ.....

පූජාසනයේ වැඩ...

සබඳ අපි - ගුණදාස කපුගේ

සබඳ අපි කඳු නොවෙමු
උනුන් පරයා නැ‍ඟෙන
සුනිල දිය දහර වෙමු
එකම ගඟකට වැටෙන...//

වියරු ගිනි දැල් නොවෙමු 

වනය අවුලා තබන
සිහිල දෙන වැස්ස වෙමු 

දැවෙන කැලයට වසින...

සබඳ අපි....

නපුරු හීනය නොවෙමු 

ළමුන් නිදි සුව බිඳින
සොඳුරු අඬහැරය වෙමු 

දනන් නින්දෙන් මුදන...

සබඳ අපි....

කුරුටු ගෑ ගී - නන්දා මාලීනී

කුරුටු ගෑ ගී පොතේ
කුරුටු ගී කෑ ගසා
ගිලන් හද පාරවා
ගෙනේ වධ වේදනා
කුරුටු ගෑ..........

ඔබෙන් පෙරදා
උගෙන කවිකම්
ලියු කවි ගීතිකා
ඔබේ නාමෙන්
හැඩු කදුලෙන්
ගයමි මම කිවිදුනේ...

කුරුටු ගෑ...

මියුරු කවි වැල්
කුරිරු ස්වරෙයෙන්
ඇසෙ රෑ යාමයේ
නොලැබ කිවිදුන්
කුමට කවිකම්
කිවිද මට කවි ලොවේ...

කුරුටු ගෑ ගී පොතෙ...

පියමන් කෙරුවෙමු - සෝමතිලක ජයමහ, නීලා වික්‍රමසිංහ

පියමන් කෙරුවෙමු මහ වෙල් මැද්දෙන්
පෙම් බස් දෙඩුවෙමු උයන් කොනෙක හිද
ශිල්ප උගත්තෙමු නැණ ලැබ ගත්තෙමු
දෙපා වාරු නැත ඔබ හැර යන්නට....//

නිල් තණ පලසෙ ගැටුනු දෙපාවයි
කෝල හැගුම් කෙලි කවට සිනාවයි....//
මල් නැටුමයි කලගෙඩි නැටුමයි
මගේ දෑස තුල යලිත් ඇදේවිද
මගේ දෑස තුල යලිත් ඇදේවිද....

පියමන් කෙරුවෙමු...

නෙත කදුලින් හස කැනින් මුවාකල
සොදුරු පැතුම් පුරවා මනමත් කල........//
මගෙ කෙලිලොල් විය ගෙවුනු වගයි
මා හැදු පාසල් මවුනි දයාබර
මා හැදු පාසල් මවුනි දයාදර....

පියමන් කෙරුවෙමු...

දිනෙක හිරු බැස - වික්ටර් රත්නායක

දිනෙක හිරු බැස යන වෙලාවක
සයුරු වෙරලක හුදෙකලාවෙක
කල්පනාවේ සිටිය මොහොතක
මතක් විය සිතුවිලි අතීතෙක....//

සයුර මා විය අහස ඔබ විය
දෙදෙන ලංවු ක්ෂිතිජයක් විය
ඒ වෙලාවේ මට මතක් විය
කලක් ලොව අප ගැන සිතූ හැටි......

දිනෙක හිරු බැස...

සයුර මා විය අහස ඔබ විය
දෙනෙත රැවටූ ක්ෂීතිජයක් විය
කී කතාවේ අරුත වැටහින
අහස සමුදුර එකතු වී යැයි....

දිනෙක හිරු බැස....

ඔබ මා සමග අතිනත - ඩබ්.ඩී.අමරදේව

ඔබ මා සමග අතිනත ගන්නා දවස
මේ මහ කන්ද බැලුවා හිඳ ගම සිරස
ඔබ මා අතැර වෙන නුවරක ගිය විගස
මේ මහ කන්ද බැලුවා හොරැහින් මදෙස......

පෑ දිය නිල්ල සුදු නෙළුමට මිහිර පොවයි
පාළුව ලුහු බඳින කිරලා හඬා වැටෙයි
නොකියූ රහස හද උතුරා වාං දමයි
මතකයෙ සුවඳ තවමත් මා සිතට දැනෙයි....

ඔබ මා සමග අතිනත.....

පියවුණා - ඉන්ද්‍රචාප ලියනගේ

පියවුණා දෙනෙත් නිදි මතින්
ඇවිළුණා ගිණි පුපුරු සිතිවිලි පතුළේ
ළං වුණා අඳුර සෙවණැලි මකා දමා
පියවුණා සුසුම ආ
බොහෝ
කළකට කලින්
නැවතුණු හදෙන් හදෙන් හදෙන්
නැවතුණු හදෙන් හදෙන් හදෙන්

කාලය ගෙවුණා අපි අපිට අහිමි කරමින්
මතකය තිබුණා නොමැකී මනසේ හැංගී
කළකට කලින් කලින් කලින්
නැවතුණු හදෙන් හදෙන් හදෙන්

යළිත් හමු වුණා නොගිය ගෙවුණු මොහොතක්
රූරා ගලනා වියලී නොමැති රුහිරු
කළකට කලින් කලින් කලින්
නැවතුණු හදෙන් හදෙන් හදෙන්

අහන් ඉන්න අහගෙන - ඉන්ද්‍රචාප ලියනගේ

අහන් ඉන්න අහගෙන ඉන්න 

මගෙ හිත මොනවද මුමුනනවා..//

යාය පුරා නෙක නෙක පාටින් මුඳු මල්පෙති ඇහැරෙනවා

පොද වැස්සක සීතල ඇවිදින් හිතට එබෙනවා
කෝඩු කාර මල් රෙනු අඟින් සුවඳ වෙලනවා
ඒ සුවඳින් මගෙ හූස්ම වටා මවනවා

අහන් ඉන්න අහගෙන ඉන්න...

සිලි සිලියේ හමන සුලග කොඳුරන්නෙ අපටමයි
සතුට මිසක ඳුක මොකටද සෙනෙහස මහ මෙරයි
අමාවකේ ඳුක දුරලන දහසක් තරු කැට නුබටයි
ඒ එලියෙන් දැල්වෙන ලොකය මගෙ මයි මටමයි

අහන් ඉන්න අහගෙන ඉන්න...///

තනි තරුවේ - වික්ටර් රත්නායක

තනි තරුවේ තනි තරු‍වේ
ඔබත් ඔහොම ඔතැන ඉන්න
මමත් මෙහෙම මෙතැන ඉන්නවා...//

නෙතඟ නෙතඟ පැටලි පැටලි
මුවඟ මුවඟ ඇලලි ඇලලි...//
මෙතෙක් දුරක් එක් වී පැමිණී

තනි තරුවේ...

මහඳ අරනෙ ලතැවි ලතැවි
රැදෙනු බැරිව ඉගිලි ඉගිලි...//
මගෙන් ඉවත බැඳිලා සැනසීතනි තරුවේ...

තනි තරුවේ...///

ආදරයේ උල්පත වූ අම්මා - වික්ටර් රත්නායක

ආදරයේ උල්පත වූ අම්මා
මා ඔබගේ පුතු වූ
‍ඔබ මතු බුදුවන දවසේ
මා රාහුල කුමරුන් සේ
සෙවන පතා අද මෙන් පැමිණෙන්නෙමි
සුළැගිල්ලේ එල්ලී...

සඳ දිය කොට කිරිවතුරෙන්
ඒ දියරෙන් මුව දෝවා
දිව මතුරක්වන් නැලැවිලි ගීයෙන්
මතකයි මා නැලැවූවා...
ජීවිතයෙන් ජීවිතයක් ගෙන දී
ඒ ජීවිතයට කිරි දී පණ දී
මා දැඩි කල අම්මා...

ආද‍රයේ උල්පත වූ...

තුරුලට ගෙන අත් පා හැඩ ගස්වා
නිදි ගන්වා යහන් ගැබේ
සිහිනෙන් ගෑ සුවඳක් මෙන්
සිහිවෙයි ඒ කිරි සුවඳ ඔබේ
දවසින් දවසට සෙනෙහස ලබැදී
ගෙන දී දිවියට නව පන ලැබදී
මා දැඩි කල අම්මා...

ආද‍රයේ උල්පත වූ...

තනිවෙන්නට ම‍ගේ ලොවේ - වික්ටර් රත්නායක

තනි වෙන්නට මගේ ලොවේ පුරුදු පාළුවෙන්
රෑගෙන යන්න සොදුරියෙ ඔබෙ සුවද මා ලගින්...//

සිව් වසරක පෙම් ගීතය ගොලුවෙලා ගියාදෝ
අලුත් ලොවක ඔබ සතුටින් කිරුලු පැලන්දුවාදෝ

තනි වෙන්නට...

මායාවකි ප්‍රේමය මා හදවත රිදවූයේ
සෝ ගීයකි දුක් බර වූ සැනසුම කොහි වේ දෝ..

තනි වෙන්නට...

එපා හිරු පායන්න - වික්ටර් රත්නායක

එපා හිරු පායන්න
අදින්පසු මගේ ලොවට
අදයි අවසන් දවස ඇගෙන් මා
මගෙන් ඈ සමුගන්න

සැඳෑ තරු නොදිලෙන්න
සරා සඳ නොනගින්න
වෙලී යුඟදුර සතර
අනු දිසා ගිල ගන්න
ගලා යන නදී දොල බිදී
හිදී නැවතී ඉන්න

එපා හිරු පායන්න...

පිය මඩුලු තුරු සිරස
එපා මල් පළදින්න
වසන්තය නිමා විය
කොවුලනේ ගොළු වන්න
සොබා දම් නෑසියනි සැලී
සැලී කම්පා වන්න..

එපා හිරු පායන්න...

සඳකැන් වැසිලා - වික්ටර් රත්නායක

සඳකැන් වැසිලා අඳුරේ එතිලා
ගණඳුරු රෑ තනිකම නෑ
සොයා එන්න ගණඳුර තරු නිවලා
මගේ එළිය අද ඔබ පමණී //

ජිවිතයම සතු එකම සුවේ
හී සර පහරක වෙලෙනු පෙනේ //
මේ ලොව මා සතු ඈ සතු ඒ නෙතු
අසල් වාසියෙකු සොයනු දැනේ

සඳකැන් වැසිලා...

මා නැත අන්සතු සිත් බිඳලා
දෑතම බැඳගෙන ඉඳිමි බලා //
මේ ලොව යම් දවසක අපි වෙන්වෙමු
රහස් අහස් තලයට පවරා

සඳකැන් වැසිලා...

දෙව්රම් වෙහෙරේ - වික්ටර් රත්නායක

දෙව්රම් වෙහෙරේ
හිමි වැඩ සිටි සමයේ
මා සිටියානම් 

සමිදුනි ඔබ පිළිසරණ පතා
මම‍ එමි බවදුරු කතර ගෙවා...

සහසක් දොම්නස් දුක් ගිනි අතරේ
දැවෙන මහද සිතිවිලි ගිණි අදුරේ
සමිද ඔබේ පිළිරුව දුටු පමණින්
නිවී නිවී යන අරුමය කිමද...

දෙව්රම් වෙහෙරේ...

ජීවමානවන් හිමි දැක ගන්නට
මා නෙත කල පින් මද බව වැටහිනි
එහෙයින් හිමි අනුරුව අභියස සිට
බවුන් වඩමි ‍මෙත් බුදුන් දකින්නට...

දෙව්රම් වෙහෙරේ...

සිහිල් සුළං රැල්ලේ - වික්ටර් රත්නායක

සිහිල් සුළං රැල්ලේ  ඔබේ සුවඳ මුසුවේ //
ආදරයේ මඳ සිනිඳු පහස ලැබ හදවත දළු සෙලවේ
සිහිල් සුළං රැල්ලේ ඔබේ සුවඳ මුසුවේ...

සුදු වැලි කතරේ පිපුනු මල වගේ
ලොවුතුරු රස ගංගා //
ඔබේ ආදරේ වරුසා වැහැලා
කතර දෙව් ලොවක් වේ...

සිහිල් සුළං රැල්ලේ...

සීත හිමව්වේ කඳු ගැට අතරේ
සෙනෙහස දිය දහරා //
ඈත හිමේ කඳු අතරේ පාවෙන
අමා සුවය පැතුවේ...

සිහිල් සුළං රැල්ලේ...

දෛවයෝගයකින් - වික්ටර් රත්නායක

දෛවයෝගයකින් නොවේදෝ
හමුවුණේ අප හමු වුණේ
දෛවයේ සරදම් ලබන්නට
කිම මෙසේ අප හමුවුණේ //

ඇදුරුතුමියයි ප්‍රේමයේ ඔබ
ඇදුරුතුමියයි යෞවනේ //
ශෝකයේ රුදු වේදනාවේ
කඳුළු සයුරේ උල්පතයි

දෛවයෝගයකින්...

නඳුන් උයනයි ස්නේහයේ ඔබ
සඳුන් සිලිලයි ජීවිතේ //
සොම්නසේ ආනන්දයේ
හසරැල් තරංගේ උල්පතයි

දෛවයෝගයකින්...

සද හිරු තරු - වික්ටර් රත්නායක

සද හිරු තරු පවතින තුරු අපි මැරෙන්නෙ නෑ
අනඟ තරුණ බඹරු අපි අමර වරම අපිට හිමි
අපි මැරෙන්නෙ නෑ අපි මැරෙන්නෙ නෑ....//

කලක මෙහෙන් චුත වෙනවා
එලොව ‍ගිහින් වැජබෙනවා...//
පෙලපත නම වෙනස්වෙලා - ආයෙත් මෙලොවට එනවා
එහෙම මිසක් කිසිම දිනක - අපි මැරෙන්නෙ නෑ...

සද හිරු තරු...

හැරමිටියෙන් ඇවිදින්නෝ
අපට එරෙහි වී එන්නෝ...//
සීමා මායිම් වැටකොටු මේ කිසිවක් අපට නැතේ
වැරදීමෙන් හුස්ම ගියත් අපි හඩන්නෙ නෑ...

සඳ හිරු තරු...

අපි ඈතට ඈතට පා නඟලා - වික්ටර් රත්නායක

අපි ඈතට ඈතට පා නඟලා
ඝණ වනන්තරේ
අතර මං වෙමු
වසන්ත මල් ගොමුවේ...//

කාත් කවුරුවත් නෑ එන්නේ
ඉදුල් නොවේ රුදු මිනිස් ඇසින්
අපේම පුංචි ලෝකයේ අපි ඉන්නේ
බඹරුන් විතරයි තනියට ලඟ ඉන්නේ...

අපි ඈතට ඈතට...

කෙසේද අත්බැඳ ඇවිදින්නේ
වෙරළේ උයනේ තුරුළු වෙමින්
නෑසිය මිතුරන් මඟතොට හමුවන්නේ
උකුසු ඇසින් අප කෙලෙසද ගැලවෙන්නේ...

අපි ඈතට ඈතට...

ලඹ සවන් රන් - මදුමාධව අරවින්ද

ලඹ සවන් රන් පටින් දන නෙතින් තදින් බදිමින්
මිණි මෙවුල හඩවමින් පිපි සමන් කුසුම් දරමින්
රන හසුන් පීරමින් තුනු විලෙහි සිරිය මවමින්
උන් රගති වයති ගී ගය ගයා මියුරු අරුතින්.....

දැහැමින් බැදි සිත මඩින්ට මාර සෙන් මතින්
උන් පරදා අප මහසත් පාරමී බෙලෙන්
සෙවනින් බෝපත් අතරෙ ගැලූ අම ගගින්
පවසින් දහමේ නිව්නෙ දම් අමා රසින්....

කැනි මඩලා පලාලා...
සුනු විසුනු කරා මැදුරක්
යලි මැදුර සදාලා
මෙහි කුමක් තොපට නැත්තේ
මම ගයමි උදම් ගී
නද දුන්නු රාජ මිහිදෙන්
දැහැමින් බවුන් වඩයි
නේරංජන නදි තීරෙ.....

ලඹ සවන් රන්....

දස දහසක් සක් පා තල එකම් පිත වෙමින්
දස දහසක් ලෝ දාතුව ගුගුලුවා හැලී
දෙව් බඹ සුරනා සේනා සාදූ කාර දී
පරසතු මල් ගද විලවුන් දෙපා මුල පිදී.....

කැනි මඩලා පලාලා...

සඳ එබෙන්නෙපා - සමිතා මුදුන්කොටුව

සඳ එබෙන්නෙපා තරු සිදුරු වසා
අඳුරු නෙතු තාරකා හඩවා
සත් සියක් සියපත් මතින්..//
මුදු සුවඳ හමනා මතක සුව ගෙනෙනා...//

ඔබ ළග නිසා පින් සිත පුරා
මල් මාලතී පිපුනා..//
සමසුන් අරා සිත් විල වසා
කුමුදුත් කොඳත් පිපුනා..//

සඳ එබෙන්නෙපා.....

ඔබ දුර නිසා ගගනත පුරා
අසෙනි වැසි වැටුනා..//
සිත දුක් දරා සුසුමින් වසා
කඳුළුත් හඳත් හැඩුවා..//

සඳ එබෙන්නෙපා.....


mp3 ලින්කුව මෙතනින්

රණ හංස යුවල - සමිතා මුදුන්කොටුව

රණ හංස යුවල නිමල නිල් ජලාසේ
මන නන්දනීය දසුන් නංවනා
සිහින යහනේ දකින සිහිනේ
රතු රෝස මලක්‌ ලයට ලංවුනා
පෙමින් බැදුනු සිතින් දකිනා
ඒ සිහින මාහද මියුරු කල්පනා
රණ හංස යුවල නිමල නිල් ජලාසේ

ගල් ලෙන්හි සැගවු කුමාරි 

මුදවන්න තුරගුන් අරා
ආවා සේ කුමරෙක්‌ පුරාණේ 

කුමරා මගේ එන්නෙදෝ
ඔහු ආදරෙයි මා ආදරෙයි මුළු ජීවිතේ....

රණ හංස යුවල ..

සංසාර සංචාරයේදි 

උන්නාලු ඔහු මා ලගින්

දොරගුක්‌ දමා හැංගුවත් මා 

සගවන්න බෑ පෙම් හැගුම්
අප ප්‍රේමයේ සංග්‍රාමයෙන් ජය ගන්නවා....

රණ හංස යුවල ..

හිරු හිනැහෙන - බණ්ඩාර අතාවුද, චන්ද්‍රලේඛා පෙරේරා

හිරු හිනැහෙන ඝණ නිල්වන් අහසේ
පහනකි මා හිරු එලියෙහි නොදිලෙන
පහන ඔබය ඔබමය මා පැතුමද
හිරු නොව සැඩ කිරණින් මා වෙහෙසන.....//

සඳ දිදුලන පුර පෝදා අහසේ
තරුවකි මා සඳ එලියෙහි නොදිලෙන
තරුව ඔබය ඔබමය මා පැතුමද
සඳ නොව කල එලියෙන් දුර බබලන.....

හිරු හිනැහෙන ඝණ නිල්වන් අහසේ...

උඩවැඩියා සුපිපෙන වන උයනේ
කුසුමකි මා තණ බිම මත සැඟවුණ
කුසුම ඔබය ඔබමය මා පැතුමද
උඩවැඩියා මල නොව නෙත පිනවන

හිරු හිනැහෙන ඝණ නිල්වන් අහසේ... .//

ඊයේ උදයේ - හෙන්රි කල්දේරා

ඊයේ උදයේ
ඔබ පෝරුව මත දුටුවා
හිතවතෙකු මගේ ඔබගේ
ඔය සුරත දරා සිටියා....//

පුරුදු ලෙස මා ඔබ දකින්නට
පැමිණ මංගල සිරියකි දුටුවේ
සබේ කිසිවෙකු ඉබේ වත් නැත
ඇසක් මා දෙස යොමා බැලූවේ
කිමද මේ අරුමේ
මට නොහැඟේ ප්‍රිය සොඳුරේ.....

ඊයේ උදයේ .....

සොඳුර හෙට අප අළුත් ලොවකට
පා නගන්නට සැරසෙන අතරේ
එසේ මා දුටු එවන් සිහිනය
මෙසේ අද මා හිතට වද දේ
කිමද මේ අරුමේ
මට නොහැඟේ ප්‍රිය සොඳුරේ......

ඊයේ උදයේ ......

ඔය සුරත දරා සිටියා ////

පෙනුණු සුව දසුන් - හෙන්රි කල්දේරා

පෙනුණු සුව දසුන් දස අත මිලින වී ගියා
දකිනු රිසි නොවී හිතකට දෙවනවද ඔයා
යහන මත වදී හිරු දෙවි දෙ ඇස පිය පියා
ඔබ තාම නෑ දයාවියෙ මට ආදරෙයි කියා

සෙල්ලම් ගෙවල් තනාගෙන වැලි බත් උයා කවා
වල් කොළ කොටා දියේ මුසුකර තේ හදා පොවා
සැලැකූ ළමා වියේ සැලැකිලි නොමැත මගහැරී
මට ආදරෙයි කියන්නකො මුවගින් අමා පිරී

ඇන්ද රතු වලා සිතුවම් හකුළුවා තියා
සිතරු තෙම සැඳෑ අඳුරට ඉඩ තබා ගියා
සීත සඳ නැඟෙයි පෙරඹර කවුළු දොර අයා
ඔබ තාම නෑ දයාවියෙ මට ආදරෙයි කියා

හමුවුණි අනන්ත මල් රුව මිස සුවඳ නොතැවරි
ලියලයි හදේ පැතුම් වැල ඔබ වෙතම හැරි හැරී
පාළුව ලැගුම් ගනී හද තුළ පතුල එරි එරී
මට ආදරෙයි කියන්නකො මුවගින් අමාපිරි

පෙනුණු සුව දසුන් දස අත මිලින වී ගියා
දකිනු රිසි නොවී හිතකට දෙවනවද ඔයා
යහන මත වදී හිරු දෙවි දෙ ඇස පිය පියා
ඔබ තාම නෑ දයාවියෙ මට ආදරෙයි කියා
ඔබ තාම නෑ දයාවියෙ මට ආදරෙයි කියා....//

වසන්තයේ අග - එඩ්වඩ් ජයකොඩි

වසන්තයේ අග හමුවෙමු සොඳුරියෙ
ලවැලි තලාවක විසුල කුසුම් මත
අතිනත ගෙන පෙර නොකී කතා අසා
අළුතින් සුසුමක් ගෙන වෙන්වී යමු
ලා සඳ නැගෙනා.. හෝරාවේ....

ගිමන් නිවන්නට ජීවිතයේ
යලි කෙදිනද ඉඩ සැලසෙන්නේ
නොදනිමු එය අප නොවී පමා
පියවර මැන යමු.. යොදුන් ගෙවා....

වසන්තයේ අග....

දොරගුලු හැරලමු අප දෙහදේ
හිනැහෙමු පෙර අපි පැතූ ලෙසේ
කිසිවෙකු නොදකින නිහඬ පැයේ
තනිවෙමු මොහොතක්.. අපේ ලොවේ....

වසන්තයේ අග... 

ඔයා නිසා මගේ සිනා - චන්ද්‍රසේන හෙට්ටිආරච්චි

ඔයා නිසා මගේ සිනා මැකී ගියාදෙන්
ඔබේ සිනාවන් මතකේ රැදී තියෙද්දෙන්
ඔබේ පුංචි දොතොල් අතරේ මා තනිවෙද්දෙන්
ඔයා ලැබෙන්නේ නැතිනම් තනිකඩ වෙද්දෙන්....

තනිකමෙන් ගඟ ගලා යනවා
ස‍ඳේ නුඹ නෑ අම්බරේ
විඳවමින් සිත සොයනවා තව
ඔයා කොතනද හැංගුනේ
අපි හමුවුනොතින් සඳ එයි නැගිලා
ගංගාවට එලිය අරන්
ආදර මල් යායක් අරන්....

බලා ඉන්නම් තව හුඟක් කල්
ඔයා එනතුරු මා සොයා
ඔයා නාවත් ඉවසලා හිත
හදාගන්නම් ඔබ නිසා
තනිකම උහුලා පහලට ගලනා
ගඟ සේ ඉන්නම් සතුටින්
සෙනෙහස රන්දා රහසින්....

ඔයා නිසා මගේ සිනා....

රන් තරු පායන - කීර්ති පැස්කුවෙල්

රන් තරු පායන අහස බලාගෙන
ඇයි ඔබ තව හිනැහෙන්නේ
මගෙ හද දිනු ආදරය සොරාගෙන
වෙනකෙ‍කු නොවැ අද එන්නේ....

මිහිර සොයාගෙන මගෙ ජීවය ගැන
කඳුලැලි හා ලතවන්නේ
සමාවෙයන් සොඳුරියෙ තවමත් මා
අතමයි වරද තියෙන්නේ....

කුඩා රුවල මැද තනිව සයුර මැද
ඈත අතීතය දෙස බැලු ඈ
කොහේ සිටන් කොයිබට මා යාවිද
මටනම් නැහැ වැටහෙන්නේ....

රන් තරු පායන....

පලා දෙපලුකර හදවත දේ නම්
කාට එකතු කල හැක්කේ
බලාගන්න සෙනෙහස තව ඔබටයි
මා හද තුල හැමවේලේ....

රන් තරු පායන...

මිහිර සොයාගෙන මගෙ ජීවය ගැන
කඳුලැලි හා ලතවන්නේ
සමාවෙයන් සොඳුරියෙ තවමත් මා
අතමයි වරද තියෙන්නේ....///

සඳලතා පායලා - කීර්ති පැස්කුවල්

සඳලතා පායලා
මල් වැට ගාව ඉරිමා උදේ
සුදු මල් තාරුකා
ඇගෙ පරිවාර තරුවැල් වගේ
සඳුට උපමා ඔබයි ළඳුනේ
මටයි හැඟුනේ ආදරේ
සඳුට උපමා ඔබයි ළඳුනේ
මටයි හැඟුනේ ආදරේ.....

මන්දිරේ කවුළුවෙන් මං මේ උදේ
නෙත් පුරා බලා ඉඳින්නේ රූ ඔබේ....//
ඔබට රහසේ ප්‍රේමාදරේ
මට දැනුණා රත්තරං
ඔබට රහසේ ප්‍රේමාදරේ
මට දැනුණා රත්තරං......

සඳලතා පායලා....

වෑහෙනා මුත් ඒ මනෝ ලෝ චේතනා
පෙම් කරන්නත් නෑ ප්‍රියේ පිං වාසනා....//
පාළු රාත්‍රියේ සඳ රේණුවෙන්
පුරවන්කෝ රත්තරං
පාළු රාත්‍රියේ සඳ රේණුවෙන්
පුරවන්කෝ රත්තරං ....

සඳලතා පායලා....

රත්තරන් නෙත් දෙකින් - ටී එම් ජයරත්න

රත්තරන් නෙත් දෙකින්
සලා සිහිල් පවන්
ජීවිතේ ලසෝ තැවුල්

නිවන්න රත්තරන්...

තාරකා සිනා දැලේ රන් කැළුම් දිගේ

ආදරේ ගලා හැලේ සිහිනයක් වගේ

පාළුවේ වෙලී හඬා වැටෙද්දි ජීවිතේ

මා දිහා ලඟාව ඉන්න රත්තරන් මගේ..

රත්තරන් නෙත් දෙකින්..

මාරුතේ හමා වනේ මල් උයන් දිගේ

පාවෙනා වලාකුලේ සිසිලසක් වගේ 

වේදනා නිවී ඔබේ සුනීල නෙත් විලේ 

ජීවිතේ සිනා නඟාවී සෙනෙහසින් හදේ

රත්තරන් නෙත් දෙකින්...

හැමදාම හඬන සිත - රොමේෂ් සුගතපාල

හැමදාම හඬන සිත හදන්න ඔබ ලඟ නෑනේ
කවුරුවත් එපා ඔබ හැරුනම දුක දැනුනාවේ
ඉස්සර වගෙ හීනෙන්වත් දැන් එන්නෑනේ
මට විතරද දුක දෙන්නේ මං දන්නැනේ...

සඳ මඬලට උපමා කර කවි ලියු කාලේ
කාගෙත් දුක දැනෙනා හිතක් ඔබ සතු වූයේ
කදුළු ගලා ඔබ අද මට හිනැහෙනවානේ
ඔබවම සිත පතනා කරුණ මං දන්නැනේ...

හැමදාම හඬන සිත....

නෙතු තෙමුනා මගෙ මතකෙට ඔබ එන ගානේ
තාම හිතේ ඔබ හැරුනම කවුරුත් නෑනේ
අද නැති මුත් ලඟ සිටි දා සිත හැදුවානේ
හිත මේ තරමට අසරණ ඔබ හින්දානේ..

හැමදාම හඬන සිත....

මේ අයුරින් අපි - ටී. එම්. ජයරත්න

මේ අයුරින් අපි සංසාරේ
ආදරයෙන් හමුවෙන්න ඇති
මේ අයුරින් අපි දවසක්දා
සසර මඟදි වෙන් වෙන්න ඇති..

සාලිය මාලා පෙම් බැඳි දා මම
සිටුකුමරෙකු වී ඉන්න ඇති
ඒ සිටුකුලයේ කුමරිය වී ඔබ
මේ ලෙස මට රිදවන්න ඇති..

මේ අයුරින් අපි....

අපරාජිත යැයි ඔබ පිදු ප්‍රේමය
පුදසුන මත පරවෙන්න ඇති
සාගර ජලයත් මදි හැඬුවා මම
ඔබ හින්දා ඔබ දන්නෙ නැති...

මේ අයුරින් අපි...

ආත්ම ගණනේ ඔබෙ පය පාමුල
මගෙ කඳුලින් සේදෙන්න ඇති
එදත් මගේ දුක් ආයාචනයට
අද මෙන් ඔබ හිනැහෙන්න ඇති..

මේ අයුරින් අපි...

සිනාසෙන්න බෑනේ - රොමේෂ් සුගතපාල

හැඟුම් මත් කලා ඒ නුරා දෑසෙ මායා
නැගූ මල් සිනා හද පුරා සුවඳ දීලා
ඉගිලී ගියාදෝ සයුරෙන් එහා
දුර යන්නෙ හැංගෙන්නෙ මගෙ හිත දවාලා

සිනාසෙන්න බෑනේ ඔබේ සුවඳ නෑනේ
කොහෙදෝ මා දමා ඉගිලුනේ//

නිල්වන් ගැබේහී සඳ හැංගුණා සේ
ඔබ එයිද ආයෙ දෑස පේන මානයේ
මල පර වුණා සේ නොපිපේද ආයේ
හද රැන්දු සිහිනේ බොඳ වෙයිද මාගේ
හද විලම සනසන්න දුක මගෙ නිවාලා

සිනාසෙන්න බෑනේ ඔබේ සුවඳ නෑනේ
කොහෙදෝ මා දමා ඉගිලුනේ//

සංසාර හීනේ ඔබ නේද මාගේ
මේ පෙම් කතාවේ ගිණි ඇවිලිලානේ
හමුවන්න ආයේ පෙරුමන් පුරන්නේ
ගිණි දැවෙන ලෝකයේ මං තනි වෙලානේ
මුණ ගැහුණ තැන තාම මම ඉන්නවා

සිනාසෙන්න බෑනේ ඔබේ සුවඳ නෑනේ
කොහෙදෝ මා දමා ඉගිලුනේ///

සිනාසෙන්න බෑනේ...

බලා ඉන්නම් - රොමේෂ් සුගතපාල

බලා ඉන්නම්
කල්ප ගාණක් උනත් මං
එදා කී කථා
සිත පතුලේ තියා...//

ඔබ හැර ගිය පෙම්බර හිත
තනියෙන් ඉකි බින්දා
හද මඩලේ ඔය රුව මා
ගෙත්තම් කෙරුවා...//

ඔබට මා පෙම්කලා
විදවලා හැරගියා
ඔය මුවේ මුදු සිනා
මැවෙනවා පෙනෙනවා...

බලා ඉන්නම්
කල්ප ගාණක් උනත් මං
එදා කී කථා
හිත පතුලේ තියා...//

මගෙ මැයි කියූ දිගු දෙනයන
අද මට හිමි නැතිවා
මුළු ලොව මට ලැබුනත් මදි
ඔබ නැති හන්දා...//

ඔබට මා පෙම්කලා
විදවලා හැරගියා
ඔය මුවේ මුදු සිනා
මැවෙනවා පෙනෙනවා

බලා ඉන්නම්..

සැනසුම් සුසුමන - ටී.එම්. ජයරත්න

සැනසුම් සුසුමන් පාවීලා
සඳ කැන් වතුරෙන් නෑවීලා....//
තරුමල් අතරින් රිංගලා
කොහි යන්නෙද මා තනි කරලා....//

රෑ සඳපානේ සීතල පවනේ
නාමල් අරණේ ලා දළු සෙවනේ....
මා ළය කර ඔබගේ සුව යහනේ
ගෙවුණු අතීතය මතකද මිහිරේ....//

සැනසුම් සුසුමන් ....

දෑසට පෙනෙනා එකම රුවක් වෙයි
ඒ රුව මා නෙත අංජනයයි....
ජීවන ගීතේ තනුව වයන්නෙමි
ඈ එනතුරු මා තනිවීලා...//

සැනසුම් සුසුමන් ....

ඈතින් ඈතට - චාමර වීරසිංහ

ඈතින් ඈතට ඈතින් ඈතට
ඈතින් ඈතට ගියා
මා ලඟ තිවු සිත අරන් ගියා
සුවඳ වත් මා ලග‍ නොතියා
අමතක කරලන්නම් කියා ගියා
අමතක කරලන්නම් කියා ගියා..

ඔය ඇස් අමතක වෙන්න නම්
මගේ ඇස් පිය වෙන්න වෙයි...//

සීතල වැහි බිංදු සේම කදුළු
කඩා හැලෙනවා නිමක් නොවේ
පොළව ඉහිලුවත් ඒ වැහි බිංදු
කදුළු ගලන්නට ඉඩ මදිලු....

ඔය ඇස් අමතක වෙන්න නම්
මගේ ඇස් පිය වෙන්න වෙයි...//

ජීවිතයේ මඟ ම‍ට හරි නුහුරු
ඉර බටු තරුවයි මග පෑදූ
ඈතක ගිය තරුවක මා දැවටි
පැතුම් පතා වී මග තනිවී....

ඔය ඇස් අමතක වෙන්න නම්
මගේ ඇස් පිය වෙන්න වෙයි...//

සිතින් විතරක් - චාමර වීරසිංහ

සිතින් විතරක් පෙම් කරන්නම්
දුරින් හිද ඔබ දෙස බලන්නම්
ලංව ඉන්නට බෑ ඔබේ
අපට අප හිමි නෑ ලොවේ
ඔබට මා හිමි නෑ මට ද ඔබ හිමි නෑ...

නිසල නෙතින් ඔබ මදෙස බලා ඉදී
දෙතොල් ඔබගේ මද හසින් සැරසේ
දෙනෙත් ඔබ වෙත පා කරනු බෑ
දෙතොල් සිනහ මවනු මට බෑ
අපට අප හිමි නෑ ලොවේ
ඔබට මා හිමි නෑ මට ද ඔබ හිමි නෑ....

සිතින් විතරක්...

සසල වුනත් මගෙ සිතිවිලි ඔබ ලඟ
නිසල කරන් මම ඉන්නම් සෑම දින
කාත් කවුරුවක් නොමැති මා හට
ඔබත් අහිමිව ගියපු අරුමය
අපට අප හිමි නෑ ලොවේ
ඔබට මා හිමි නෑ මට ද ඔබ හිමි නෑ....

සිතින් විතරක්...

ඔය සුසුම් පවන් වැදී - චාමර වීරසිංහ

ඔය සුසුම් පවන් වැදී
නෙතු පියන් සැලේ රිදී
ඔබ ගොළුයි සිතත් නිදි
ඔබව තාම මටද හිමි...//

මිරිඟුවක් සොයා ගිහින්
හිත ගිලන් උනා තමයි
හිමි නැතැත් ඔයා ඉතින්
මම තවත් ඔබේ ළඟයි....

ඔය සුසුම් පවන් වැදී...

ඔය හිතින් පිදූ පෙමින්
ඇත දහස් ගනන් පැතුම්
ඔබ ගියත් මගේ ළඟින්
මගේ හිතත් යන්න අරන්.....

ඔය සුසුම් පවන් වැදී...

සැණකෙළියේ සඳ එළියේ - ක්ලැරන්ස් විජේවර්ධන

සැණකෙළියේ සඳ එළියේ දිමුතු ලතාවයි
සිළි සිළියේ සියුමැලියේ ඔමරි හිනාවයි
ඔමරි හිනාවයි ඔමරි හිනාවයි
සැණකෙළියේ සඳ එළියේ දිමුතු ලතාවයි

නෑ කිසි දුකක් සිතේ සීතල පවන් වැදේ
හිරිමල් යොවුන් විලාසේ
දෑසින් හොරෙන් වගේ ආදර හැඟුම් මැවේ
සමනළ ගමන් ලතාවේ

සැණකෙළියේ සඳ එළියේ...

මහ බඹු කොටා ඇතේ ඉරණම සිනාසුනේ
කාගෙද කවුදෝ දන්නේ
ජීවන ගමන් මගේ මාවත වෙනස් වුණේ
අද රෑ විනෝද වන්නේ

සැණකෙළියේ සඳ එළියේ...

නෑ කිසි දුකක් සිතේ සීතල පවන් වැදේ...

සැණකෙළියේ සඳ එළියේ...

දිලීප පොඩි පුතූ - ක්ලැරන්ස් විජේවර්ධන

දිලීප පොඩි පුතූ සනීපයට නිදි
මවගේ උකුල් යහනේ
කුමාරයාණෙනි මගේ කිරුළ හිමි
ජීවන රජ දහනේ

පරවි දෙපා වැනි
සුලලිත කෝමල
සුමුදු ටිකිරි දෑතේ
පුතු මිට මොලවන්
සඟවා ගෙන ඇත
මා නොලියුව ගීතේ

මහද විමානයෙ
තැන්පත් කල ලේ
බිඳුවක් අඩුව ඇතේ
එය සඟවාගෙන
බිලිඳු වෙසින් ආ
වස්තුව ඔබය පුතේ

දිලීප පොඩි පුතූ සනීපයට නිදි
මවගේ උකුල් යහනේ
කුමාරයාණෙනි මගේ කිරුළ හිමි
ජීවන රජ දහනේ

කුමාරයාණෙනි මගේ කිරුළ හිමි
ජීවන රජ දහනේ

සිහින ලොවක් - ක්ලැරන්ස් විජේවර්ධන

සිහින ලොවක් දුටුවා මතකයි
සිහින ලොවෙන් ආවා මතකයි ..//

සොඳුරු මිහිර සුව පහස ගෙනෙන ඒ
ආදර බර උණුසුම මතකයි
ඉර සඳු තරු කැට
පායන මිහිපිට
ආදරයෙන් බැඳුණා මතකයි

සිහින ලොවක්...

අප හදවත් ඒ නොමියෙන ලෙස බැඳි
ආදරයෙන් පිරුණා මතකයි
සිතට දැනෙන දැනෙන සුව
ගතට දැනෙන බව
ඔබ රහසේ කීවා මතකයි

සිහින ලොවක්...

ඈත රන් විමන් - ප්‍රියා සූරියසේන

ඈත රන් විමන් තුලින්
පාට සේලයෙන් සැදී..//
මුදු සීත හිම මුදුන් අතරින්
එබී බලනවා...හහ හා හා හා හහ හා...

මේ ලොවින් එ‍හා සිටන්
ඈත ලෝකයෙන් ඇවිත්...//
මුදු නීල පීත ලෝහිත පෑ
ඈත දිලෙනවා...හහ හා හා හා හහ හා...

රෑට තරු දහස් ගණන්
ඈත සුර පුරෙන් වැටී..//
අද රෑට අද රෑට අද රෑට දිලෙනවා...
හහ හා හා හා හහ හා...

ගීත රාවයෙන් සැලී
දෑත ආදරෙන් වෙලී..//
ඔබ කීව පෙම් කතා ඇසුරෙන්
ගීත මැවෙනවා...හහ හා හා හා හහ හා...

ඈත රන් විමන් තුලින්...//

දිවියම වාගේ - චාමර වීරසිංහ

දිවියම වාගේ දියකර ප්‍රාණේ
දුකසේ දිවි ගෙවන්නේ කොහොමැයි
මේ මනු ලෝකේ සුරිදුනි මාගේ
දෙවියොත් මගෙ ආදර තාත්තයි..

පපු ගැබිනා දරු පෙමිනා
උතුරණ තාත්තා
බිම වැටිලා වදිනෙමි මා
මගෙ බුදු තාත්තා...//

දිව රෑ දෙකේ වෙලිලා දුකේ
සැනසීම දන් දී ඔබේ
දරුවන් නිසා විදිනා සොවේ
දෙවියන් ද පුදුමෙන් සැලේ
මේ සංසාරේ පිං වැස්සාවේ
වදිමී සැමදා රජුනේ...

පපු ගැබිනා දරු පෙමිනා
උතුරණ තාත්තා
බිම වැටිලා වදිනෙමි මා
මගෙ බුදු තාත්තා...//

සිතුසේ නොබී සිතුසේ නොකා
දරුවන්ට දුන්නා සුවේ
බෝසත් ගුණේ පුරනා නිසා
නිවනින්ම සැනසුම් ලැබේ
මේ සංසාරේ පිං වැස්සාවේ
වදිමී සැමදා රජුනේ...

දිවියම වාගේ...//

සෙනෙහස දෙවොලකි - සෝමසිරි මැදගෙදර

සෙනෙහස දෙවොලකි පුදනු හැකි
ඔබ නමටයි ඒ දෙවොල හිමි
ආයාචනයට මසිත ගැයූ
ඔබෙ දෙසවන් ඇයි අගුළු වැටී
සෙනෙහස දෙවොලකි පුදනු හැකි
ඔබ නමටයි ඒ දෙවොල හිමි....

සුසුමට කඳුලට ලෙන්ගතු වී
සැනසෙන්නද මා කෙලෙස යළි //
ආදරයට හිමි කඳුලු බිඳු
සාගරයට මුසු වේද මතු

සෙනෙහස දෙවොලකි.....

සසරින් සසරට එකට බැඳී
මෙතුවක් ආ මග අද නැවතී //
ජීවිතයම එක රැයක දුටු
සිහිනෙකි ප්‍රේමය බිඳුනු පසු

සෙනෙහස දෙවොලක...

සිතක් බිඳුණු පසු - සෝමසිරි මැදගෙදර

සිතක් බිඳුණු පසු
කොතෙක් කලත් ඔසු
පලක් නොවෙයි ළඳුනේ
ඉතින් තවත් කල්
රැඳී පලක් නෑ
ඔබ මගේ සෙවනේ....//

බිඳෙන බඳුන් සේ
සුරකිනු බැරිනම්
විස්වාසය සැමදා...//
සිතින් දුරස් වී
ඉමු අපි දෙන්නා
දුක උහුලනු බැරිදා....

සිතක් බිඳුණු...

ඔබ මට මට ඔබ
තේරුම් ගන්නට
නොහැකී නම් කිසිදා //
මගෙම අඳුරු ලොව
තනිවෙන්නම් මා
ඔබට සැපක් වෙන දා

සිතක් බිඳුණු....

හැමදාමත් යාළුවේ - සෝමතිලක ජයමහ

හැමදාමත් යාළුවේ
මම ඉන්නෙමි පාළුවේ
ම‍ගේ පාළු පැලට එන්න
කවුරුත් නැ යාළුවේ...//

පිපි කු‍සුමෙහි රන් මුවරද
නිති පිනවින් සේමා
නිතිගෙ කිරණ වැද රඟදුන්
පැණි සමනල සේනා
සපැමින ඔබ වෙණ වැයූ
මා අභියස ගී ගැයූ...//

හැමදාමත් යාළුවේ...
සව්සිරි සැම මා අතහැර
අද වෙනතක රැදිලා
මින් මතු තනිකම තනියට
මගෙ පැලතුල රැදිලා
බිතු සිතුවම් රූ වැනි
ඔබ කොතැන ද මිතු‍රනි...//

හැමදාමත් යාළුවේ...

මේ පාළු මාවතේ - ප්‍රියා සූරියසේන

මේ පාළු මාවතේ
තනි වී බලා ඉමී
පෙරදා ලෙසේ යළී
හමුවේවිදෝ
මේ පාළු මාවතේ...
නෙතගින් සිනා සලා
මනසින් බැඳී..//
තෙපලූ කතා සිතේ
නොසැලී ඉඳී
මේ පාළු මාවතේ...
වසරක් නොවේ සදා
හිඳිමී බලා..//
කවදාක හෝ යළී
දකිනා තුරා
මේ පාළු මාවතේ...

ආදරයේ උණුසුම ළඟ - සෝමතිලක ජයමහ

ආදරයේ උණුසුම ළඟ දුක දැනෙන්නෙ නෑ
දුක් කරදර නැති දවසට දුර පෙනෙන්නෙ නෑ
ජීවිතයේ හැමදාමත් සැප රැඳෙන්නෙ නෑ
සිනහවෙවී සිනහවෙවී කල් ගෙවන්න බෑ....//

තොල් අග මදහස දල්වා ප්‍රාර්ථනා මල් පිබිදෙයි
ලෝකය උඩු යටිකුරු වී ප්‍රාර්ථනාවන් වැළලෙයි
සැමදා දුක සැමදා සැප නොමැති ලෝකයේ
සිනහ නැගෙයි කඳුල නැගෙයි එයයි ජීවිතේ.....

ආදරයේ උණුසුම ළඟ...

‍දිවා රැයේ දකින සිහින පවන් සලා ගිමන් නිවයි
සිහින ලොවම ගරා වැටී තැවුලෙන් හදවත් ඇවිලෙයි
ගීත හඬින් සුසුම් හඬින් පිරුණු ලෝකයේ
සිනහ නැගෙයි කඳුල නැගෙයි එයයි ජීවිතේ....

ආදරයේ උණුසුම ළඟ...

යාළු බාල සඳේ - සෝමතිලක ජයමහ

යාළු බාල සඳේ කඳු මුදුනේ මොකද කරන්නේ
මා දෙසම නොවෙද නෙත් නොසලා බලා සිටින්නේ
ඈ සිටින තැනක මටත් හොරා මා ගෙන යන්නේ
ඇගෙ නළල් තලේ අහස් වලා එළියෙ අඳින්නේ
යාළු බාල සඳේ...

දුරක වෙසෙන මගෙ තනිකම
පොළවෙ සිටින අයටත් නෑ පෙනුනේ යාළු
විරහ තාපයේ වැඩිකම
හිත් පිත් ඇති අයටත් නෑ පෙනුනේ යාළු

යාළු බාල සඳේ..

ඈ දැකුමට නලියන සිත
ඔබෙ නළලේ හැඩරුව දැක සැනසෙයි යාළු
ඇගේ රුවින් බිඳුවක් ගෙන
හෙටත් ඈත කඳු මුදුනේ හිනැහෙන් යාළු

යාළු බාල සඳේ...

පියමන් කෙරුවෙමු - සෝමතිලක ජයමහ

පියමන් කෙරුවෙමු මහ‍ වෙල් මැද්දෙන්
පෙම්බස් දෙඩුවෙමු උයන් කො‍නෙක හිද
ශිල්ප උගත්තෙමු නැණ ලැබ ගත්තෙමු
දෙපා වාරු නැත ඔභ හැර යන්නට...//

නිල් තණ පලසෙහි ගැටුන දෙපාවයි
කෝල හැඟුම් කෙලි කවට සිනාවයි...//
මල් නැටුමයි - කළගෙඩි නැටුමයි
මගේ දෑස තුල යලිත් ඇදේවිද...//

පියමන් කෙරුවෙමු...

නෙත කඳුලින් හස පෙමින් මුවාකල
සොදුරු පැතුම් පුරවා මන මත් කල...//
මගෙ කෙලිලොල් විය ගෙවුනු වගයි
මා හැදු පාසල් මවුනි දායාදර...//

පියමන් කෙරුවෙමු...

පොඩි දුවගේ සිනා වැලයි - සෝමතිලක ජයමහ

පොඩි දුවගේ සිනා වැලයි
පොඩි පුතුගේ කතා පෙලයි
ප්‍රිය බිරිදගෙ සෙනේ විලයි
මගේ නිවන මගේ පැල්පතයි....

කටු මැටි ගැ බිත්ති පුරා
පළිඟු මැණික් එළිය දිලේ
ගොම මැටි ගෑ ගෙබිම මගේ
පියවිලි බුමුතුරු ව‍‍ගේ...//

පොඩි දුවගේ...

ලබන නමුත් දුක් පීඩා
කූඩු වුනොත් පුංචි පැලේ
අඹුදරුවන් අතර තුරේ
මට නිම්නැති සුවය දැනේ...//

පොඩි දුවගේ....

සුනිල්වන් නුවන් යුග - සෝමතිලක ජයමහ

සුනිල්වන් නුවන් යුග වසා උතුර උතුරා
ගැලූ කඳුළු ගංගාවෙ ඇය දැන් කිඳීලා
ඔබේ වරය දෙනු මැනවි තව දුක නොදීලා
හැදූ මවුණි පියතුමණි කරුණාව පාලා....

මට මේක දඟ ගෙයකි දෙන වේදනාවන්
සතුටයි දුකයි කඳුල එක සේ දරා මං
සැනසී සිටින්නෙම්ද ඇගෙ දුක බලා දැන්
සුවසෙත පතා දෙන්න ආසිරි දයාවෙන්....

සුනිල්වන් නුවන් යුග...

රජ දහන වැලි කතර වුව උරුම වේ නම්
මට ඈගෙ පිළිසරණ මතු වාසනාවන්
මගෙ ජීවනේ ගීයෙ ඇගෙ හඬ නොවේ නම්
හද වෙණෙහි සත්සර සදා ගොළු වුණාදෙන්....

සුනිල්වන් නුවන් යුග...

කුසුම් පිපී තුරු මතේ - සෝමතිලක ජයමහ

කුසුම් පිපී තුරු මතේ
සුවඳ හමයි දස අතේ //
කෝකිල කූජනය නැගේ
ලිය ගොමු අතරේ
මධුර වසන්තේ
කුසුම් පිපී තුරු මතේ
සුවඳ හමයි දස අතේ //

රේණු සැලේ වැලි තළේ
පෙති ගිලිහී දිය වැළේ...//
ගඟබඩ තුරු වදුල තුලේ
කුරුළු ගී ඇසේ
මධුර වසන්තේ...

කුසුම් පිපී තුරු මතේ
සුවඳ හමයි දස අතේ...//

ගම්මානය කෙළවරේ
පන්සල් බිම බෝ රුකේ...//
සිළි සළි ගා කොල නැටවේ
සම්බුදු මිහිරේ
මධුර වසන්තේ...

කුසුම් පිපී තුරු මතේ
සුවඳ හමයි දස අතේ...//

අඹ මල් පොකුරට වෙලා
ලේනෙකු ටිං ටිං කියා
මධු රස ගී ගය ගයා
අම රස වින්දේ
මධුර වසන්තේ...

කුසුම් පිපී තුරු මතේ
සුවඳ හමයි දස අතේ....//
කෝකිල කූජනය නැගේ
ලිය ගොමු අතරේ
මධුර වසන්තේ
කුසුම් පිපී තුරු මතේ
සුවඳ හමයි දස අතේ...//

ඔබේ සිනා ලඟ - ජගත් වික්‍රමසිංහ

ඔබේ සිනා ලඟ - නෙත නැවතුනු දා
ඔබේ කථා ලඟ - සිත නැවතුනු දා
ප්‍රේමය හැදින්නෙමි
ප්‍රේමය හැදින්නෙමි - මේ ලෝ තලයේ...//

කුමටද උපමා ඉතිහාසේ උන්
ප්‍රේමවන්තයින්ගෙන්
කුමටද ආදරයේ පෙම් සැමරුම්
පෙම් පාරාදීසේ
ඉමක් කොනක් නැති ආකාසේ
තරු පායා එන සේමා
ඉමක් නිමක් නැත පෙම් හදවත්තුල
පෙම් සිතුවිලි බෝමා...

ඔබේ සිනා ලඟ - නෙත නැවතුනු දා
ඔබේ කථා ලඟ - සිත නැවතුනු දා
ප්‍රේමය හැදින්නෙමි
ප්‍රේමය හැදින්නෙමි - මේ ලෝ තලයේ...//

පෙම්වන්තයින් සේ - ජගත් වික්‍රමසිංහ

පෙම්වන්තයින් සේ සිනා සී
හමුවීලා වෙන්වී හඬා
ආයේ ඉතින් ප්‍රේමේ නමින්
සෝ ගී ගයන් නෑ ඉතින්..

මිහිරාවියේ කෝ ඔබේ
වදනින් මැවූ ආදරේ
ඔබ මීදුමක් සේ ගලා
දුර ඈත පාවී ගියා..

පෙම්වන්තයින් සේ...

රෑ සීතයක් සේ සිතා
සැනැහී හිදින්නම් දරා
මේ ආදරේ නම් ඔබේ
එය ශාපයක් යයි සිතේ..

පෙම්වන්තයින් සේ...

සඳ යාත්‍රා කළා - චන්දන ලියනආරච්චි

සඳ යාත්‍රා කළා වගෙ මතකයි
ඔබ නේත්‍රා වලින් මට පවසයි
හැම මාත්‍රාවටම සිත සැනසෙයි
අපෙ ආශ්‍රයේ සත්වෙනි දවසයි //

දස දහස් වරක් ඔබට සිත බැඳි
සපුරන්නට ඇති පැතුම් මල් මිටි
භවයෙන් භවයට ආ මඟ සඳ වී
ඔබ ඉන්නැති මගෙ ලොවට එළිය දී

සඳ යාත්‍රා කළා...

තව සහස් කලක් මේ දුර යන්න
සිත් අහස් ගැබේ තරුවක් වෙන්න
ඔබ මා ළද පින් ඇතිය හිතන්න
අපෙ සෙනෙහස පර මලක් නොවන්න

සඳ යාත්‍රා කළා...

හිරුද මුවා වී - ප්‍රියා සූරියසේන

හිරුද මුවා වී ලැසි ගමන බලාවී.. //
කිංකිණි හඬ පරදන කැකිරි පැලෙන කොමළ හිනා..//
හිරුද මුවා වී ලැසි ගමන බලාවී..//

කට කැඩි කළය අරන් කුඹුකෙ ළිඳට දියට ඇදෙන..//
ඉර බටු තරුව වගේ ගමට සිරිය සතුට ගෙනෙයි

හිරුද මුවා වී ලැසි ගමන බලාවී...

කළුවර ගලන වෙලේ නොයන් ගමන් නියර දිගේ..//
බක් මහ නැකත් බලා එළිය කරන් ගෙපැල මගේ

හිරුද මුවා වී ලැසි ගමන බලාවී...

සඳ හාදු දිදී - චන්දන ලියනආරච්චි

සඳ හාදු දිදී වළාකුලට සේද යහනතේ
නිල් තාරකා කුමාරියන්ගෙ ප්‍රේම විජිතයේ....//
නුඹ තාම නිදිද
නුඹ තාම නිදිද කඩුපුල් මල් දේවතාවියේ...

මල් මාලතී ලතා මඩුල්ල නෙතු පියා හිඳී
මුදු මල් ගැබේ යහන් තුරුල්ල භෘංගයින්ට දී
කට කොනින්වත් හිනා නොවීම දේවතා නිදී....

සඳ හාදු දිදී වළාකුලට සේද යහනතේ...

විල් තලේ රිදී රැල් නැගේවි රංගනේ යෙදී
මුදු මන්දහාස දී පිපේවි සොඳුරු කෞමදී
මට තනියි මගේ හිත පාළුයි නුඹ තවම නිදී....

සඳ හාදු දිදී වළාකුලට සේද යහනතේ...

මෙවලම් මොකටද - චන්දන ලියනාරච්චි

මෙවලම් මොකටද මෙතරම් පැළඳුවෙ සමනලියේ
උස් අඩි පාවහන් යුගල යයි විසිරී ලොල්ලෙ
මල් පෙතිවල පාට ගෑවෙ ඇයි සියුමැලි දෙතොලේ
කොළඹ ගිහින් ඉගෙන ගත්තෙ ඕවද මගෙ කෙල්ලේ...

දෙදරා ගිය ආදරයක තහංචි බැමි පවුරූ
රෝස මලක සඟවාගෙන රොන්ගෙන යති බඹරූ
හඬන්න මට ඉඩ දුන්නට යළි යළි නෙත් කඳුලූ
කඳුළු බිංදු මේ හැටි ඇයි මට විතරක් නපුරූ....

මෙවලම් මොකටද මෙතරම්...

ඉකිබිඳිනා රෑ තුන්යම සිත්මල අඩ නින්දේ
සඳ මඬලට තරු යායට නොදැනයි අත වැනුවේ
උගතමනා ශිල්පය රැකගත්තට පෙම්වතියේ
නුඹෙ අතිනුයි නිර්මල පෙම් යහන බිඳී වැටුනේ....

මෙවලම් මොකටද මෙතරම්...

පැතුම් පිරීලා - ප්‍රියා සූරියසේන

පැතුම් පිරීලා උතුරා යනවා
ඇය අද එනවා හමු වේදෝ
සිතත් පිරිලා ඇගේ රුව දැකලා
ඇගේ සිත අසලා සැනසේදෝ
වසන්තයේ දිනයක් සිහිවෙන්නේ
දසන්තයේ සිතුවිලි මුසුවෙන්නේ
ළමාවියේ මෙන් යොවුන් වියේදී
වෙනස් නොවීලා ඉමු අපි දෙන්නා
පැතුම් පිරීලා...
අවන් හලේදී තනි වී දෙන්නා
රුවන් වන් පැතුම් මවමින් උන්නා
ඒ පැතුම් සැබෑ වී නව ලොවක් උදාවී
වෙනස් නොවීලා ඉමු අපි දෙන්නා
පැතුම් පිරීලා...

හදවත ඉල්ලා - ප්‍රියා සූරියසේන

හදවත ‍ඉල්ලානොලැබුණු විටදී
දහසක් සිතුවිලි මා හදතුල තෙරපී
මිතුරිය ඔබ කෙලෙසක හෝ අමතක කරමී
නොපිරූ පෙරුමන් පුරලා කුමටද ලතැවී

ඔය නෙතු අග රැඳී තිබූ 
නිල්මිණි ඡායා
දැක මා හදවත සසැලී 
සෙනෙ‍හස කීවා

හදවත ඉල්ලා......

මතු අප උපදින භවයේ 
යළි හමු වේවා
ඔය නෙතු අග සිසිල රැඳී 
මට ළං වේවා

හදවත ඉල්ලා.....

ආදරණීය නේරංජනා - ප්‍රියා සූරියසේන

ආදරණීය නේරංජනා..//////

ඔබ මුදු මදහස් රැළි මාලාවේ
වෙලී බැදුණු දින රඟ ශාලාවේ
තුන් හිතකින්වත් නොසිතූ විලසින්
යළි ඔබ දැකුමට ආ වේලාවේ
අප හමු වූ ගෙවුයන් සීමාවේ
එක මොහොතක් පමණකි තනි වූයේ
මටම ම පුදුමයි අදහන්නට බෑ
මම ම නොවේ යළි ඉන් පිට වූයේ

කවුදෝ මා පසු පස එනු දැනුණා
පාළු වීදියේ තනිකම මැකුණා
ජීවමාන කිසිවෙකු සිටියේ නෑ
එනමුදු කවුදෝ ඇති බව වැකුණා
නිදියහනේ මා නින්දට වැටුණා
ඔබ මා සිහිනෙන් අමතනු පෙනුණා
එනමුදු කෙලෙසද ඇගේ අත ගන්නේ
මගේ සිතම මට මුමුණනු ඇසුනා

ආදරණීය නේරංජනා.. //

ළිහිණින් රෑන පියා සලන්නේ - ප්‍රියා සූරියසේන

ළිහිණින් රෑන පියා සලන්නේ
මන්දාරම් වැහි පොද වැටෙන්නේ
රුක් මල් හැන්දෑවේ පිපෙන්නේ
සිහිනෙන්වත් නුඹ නෑ පෙනෙන්නේ
ළිහිණින් රෑන පියා සලන්නේ
මන්දාරම් වැහි පොද වැටෙන්නේ

ගග දිය හඬන්නේ
විහඟුන් සිතන්නේ
නුඹ කොතැනකද කියලා
නුඹ කොතැනකද කියලා
පෙර සේ මා සොයාලා
මහදේ ගිණි නිවාලා
ගමට එන්න ඇවිත් යන්න රත්තරං

ළිහිණින් රෑන පියා සලන්නේ...

මට හිමි මනාළී
පිටගම් ගියාවේ
විරසක නොවෙමු කියලා
විරසක නොවෙමු කියලා
සංසාරේ කොහේ හෝ
ඉපදී මුණ ගැහීලා
වෙන් නොවන්න පෙරුම් පුරමු රත්තරං


ළිහිණින් රෑන පියා සලන්නේ
මන්දාරම් වැහි පොද වැටෙන්නේ
රුක් මල් හැන්දෑවේ පිපෙන්නේ
සිහිනෙන්වත් නුඹ නෑ පෙනෙන්නේ

සිහිනෙන්වත් නුඹ නෑ පෙනෙන්නේ ///

එකම වීදියේ දෙතුන් වතාවක් - ප්‍රියා සූරියසේන

එකම වීදියේ දෙතුන් වතාවක්
එහා මෙහා අපි ඇවිද ඇතී
බිමට නැමුණු මල් අතු ඉති අතරේ
අපේ කතාවන් රැඳී ඇතී...

සුදු හසඟන සේ හසරැළි ඉහලා
හඳ පායන සේ හද ගිණි නිවලා
ඔබ මා සුරතේ දසඟිලි පටලා
දොඩමළු වීලා මට ඉඟි කරලා

හැන්දෑ යාමේ මා අත හැරලා
යන්නී ඔබ ඔබේ කුටියට පෙරලා
කවුළුව අතරින් හසරැලි එළලා
මම යමි මගේ හිත ඔබ ළඟ තියලා

තනි යහනේ මා කෙසේ සිතන්නේ
මා සිත ඔබේ ළඟ නොවෙද තියෙන්නේ
ඔබට හිතෙන දේ හිතට කියාදී
හෙට එන විට යලි රැගෙන වරෙන්

එකම වීදියේ දෙතුන් වතාවක්
එහා මෙහා අපි ඇවිද ඇතී
බිමට නැමුණු මල් අතු ඉති අතරේ
අපේ කතාවන් රැඳී ඇතී...

මට වාසනා - ප්‍රියා සූරියසේන

මට වාසනා ඔබ මට වාසනා
උපන් නූපන් හැම ආත්මයේ
මට ඔබ ඔබ මට වාසනා
ඔබ මට මට ඔබ වාසනා

ඔබේ නෙත් දොළොස් මහේ පහණ වේ //
කල මැන දල්වන්න ආරාධනා //
පෙර භවයේ වියෝග අඳුරේ නිවුනු තැනින්

මට වාසනා ඔබ මට වාසනා
උපන් නූපන් හැම ආත්මයේ
මට ඔබ ඔබ මට වාසනා
ඔබ මට මට ඔබ වාසනා

සුරතින් සුළං මුවා කරලමි //
නොනිමනු මැන ප්‍රේම ප්‍රාර්ථනා //
අප අපගේ අනෝම ඇසුරේ වෙලෙමු සදා

මට වාසනා ඔබ මට වාසනා
උපන් නූපන් හැම ආත්මයේ
මට ඔබ ඔබ මට වාසනා
ඔබ මට මට ඔබ වාසනා
මට වාසනා....

ගිණි මලක් - කිත්සිරි ජයසේකර

ගිණි මලක් පිපුනාය දොරකඩ
වරක් නොව තව වතාවක්
සඳක් සේ දිළිසුනා පුරපස
පිපුණි දොරකඩ රන් මලක්...//

මදහසක් දිළිසීය මුව අග
නිමේෂයකට අඩ ඉමක් ඇඳ
නමුදු ඒ හස කඩා කඩඉම්
ගෙන ගියා අප අනන්තය වෙත
ගෙන ගියා අප අනන්තය වෙත...

ගිණි මලක්....

දුටිමු අප ඇගෙ ඇසි පියන් යට
දෙසිත් කැළඹු නිල් උපුල් යුග
දැවි දැවී සැනසුනා අප සිත්
තැබී ඈ තව පියවරක් දුර
තැබී ඈ තව පියවරක් දුර....

ගිණි මලක්.... 

කැමීලියා මල් සුවඳට - කිත්සිරි ජයසේකර

කැමීලියා මල් සුවඳට
සඳ කෙමි මත් පා තිය තිය..//
මගේ කුටියේ කවුළුදොරින්
නිදි බින්ද දෑස ඒ ඔබමද
සින්ඩරෙල්ලා....

සකුණ ගීය සැඟවී යන
පළා පැහැයෙ අළු තවරා...//
සැන්දෑ අඳුර ගේන පවන වගේ සියුම් සරින්
ඈත එපිටින් හදට වඩින්
සින්ඩරෙල්ලා....

කැමීලියා මල් . . .

සුසුදු හංස පියාපතින්
ගෙත්තම් කොට නිමවා...//
ඇන්ද සිනිඳු සේද සළුව වළාකුලෙන් අතුරා
යන්න ගියේ බිය හිතිලද
සින්ඩරෙල්ලා ...

තුන් සිත දැහැන් - නීලා වික්‍රමසිංහ, කමල් අද්දරආරච්චි

තුන් සිත දැහැන් ගත වෙනා
සිතුවිලි සසල කරවනා
පදවැල් අතර ගැයෙන  ස්ව‍රයේ සප්ත වර්ණ
සිත ලඟ ගයනව ද ඔයා
තුන් පැය අතර නිමවෙනා
මතකය අතර රැදවෙනා
සිනමා පටයෙ රැදෙන  සුන්දර සිහින රැගුම
සිත ලඟ රඟනවද ඔයා...

නෙතගට කඳුල ගෙන දෙනා
නරඹන සිතද හඬවනා
දුක්බර ප්‍රේම රැගුම  සුන්දර පියවි ලොවක
රගන්න කියන්නට එපා
තනිකම සිතට කැඳවනා
තනිවම සිතින් වැලපෙනා
දුක්බර විරහ ගැයුම  සුන්දර පියවි ලොවක
ගයන්න කියන්නට එපා...

තුන් සිත දැහැන් ගත වෙනා...

පෙම්බර වදන් වැල විනා
දුක්බර දෙබස් නම් එපා
සිනමා ලොවක මිසක  දිවියක සබෑ ලොවක
දුක්බර චරිතයක් එපා
සුන්දර අදහසක් තියා
දුක්බර පදවැලක් ලියා
සත්සර අතර මිසක  සුන්දර සැබෑ ලොවක
දුක්බර ගැයුම නම් එපා...

තුන් සිත දැහැන් ගත වෙනා...

වසන්තයේ මල් කැකුළයි - ඉන්ද්‍රාණි පෙරේරා

වසන්තයේ මල් කැකුළයි
දසන්තයේ නළ රැල්ලයි
මගේ ගෙලේ හර සොල්ලයි
ඔබේ නෙත් කැළුම් ඉල්ලයි
අදත් මගෙ අතින් අල්ලයි //

ගලින් ගලට පැන දිදුළන පෙණ කැටි මත්තේ
මලින් මලට ඉගිලෙන සමනළ තටු මත්තේ
ලියා එවන්නද කරුණක් මා ඔය පැත්තේ
බලා සිටින්නෙමි තවමත් ඇයි ඔබ නැත්තේ

වසන්තයේ මල් කැකුළයි...

ඈත මග දිහා බලලා නෙත කකියනවා
හිතේ කාන්සිය හා මට තරහත් එනවා
පාඩමක් උගවන්වන්නම් නෑවිදින් ඉඳින්නම්
හෙට ආපුදෙන් මගේ හැටි මම කියාල දෙන්නම්

වසන්තයේ මල් කැකුළයි...

මතකය ඇසුරින් - ඉන්ද්‍රාණි පෙරේරා

මතකය ඇසුරින් සිහියට ගන්නට
නිතරම වෙහෙසුනෙමි
මට පමණක් ඒ පින නැත්තේ ඇයි
නිරතුරු වැළපුනෙමි
අම්මා... අම්මා යැයි කීමට
කෙනෙක් නොමැත සොයමි
පැහැදිලි නැති එක චායාවක් ඇත
ඒ ඔබ බව දනිමි.....

ඉස්සර දවසක උදෑසනක ඔබ
මා නළවන්න ඇතී
මා හඬනා විට දුක ඉපදී මට
ලේ කිරි දෙන්න ඇතී
මගේ හිස පිරිමැද මගේ ගත පිරිමැද
මුව සිප ගන්න ඇතී
ඔබ යන විට මා කැටුව යන්න නම්
අමතක වෙන්න ඇතී....

අම්මා... අම්මා යැයි කීමට
කෙනෙක් නොමැත සොයමි
පැහැදිලි නැති එක ඡායාවක් ඇත
ඒ ඔබ බව දනිමි
පැහැදිලි නැති එක ඡායාවක් ඇත
ඒ ඔබ බව දනිමි .....

මගේ හිත වෙනතක - ඉන්ද්‍රාණි පෙරේරා

මගේ හිත වෙනතක යාවී ඇති බව
විහිළුවටයි කීවේ
එය ඇත්තට ගෙන ඉවත බලාගෙන
ඇයි නොදොඩා ඉන්නේ
දරුණුද ඔතරම් හදවත ඔබගේ
හිනැහෙන්න දැන්වත් ඉතිං....

ඔබ විනා නෑ වෙනින් කෙනෙකු මා පතන්නේ
එය ඔබ දැන දැන සෙනෙහස නැති සේ
ඇයි නිහඬව ඉන්නේ...

මගේ හිත වෙනතක...

මේ වගේ සුළු දෙයින් ඔය තරම් උරණ වී
දුක සැප එක ලෙස විඳගනු කෙලෙසද
දැන්වත් හිනැහෙන්නේ....

මගේ හිත වෙනතක...

සඟවන්න එපා - කරුණාරත්න දිවුල්ගනේ

සඟවන්න එපා හසරැල්
දල්වන්න එපා ගිනිදැල්
ඔබම කෙරේ සිත බැදුනු දිනේ සිට
මගෙම හැඟේ ඔබ නම්...//

සඳ එළිය වගේ ඇවිදින්
හද නොපැතු දිනක රහසින්
බැස නොයන් මසිත් අහසින්
අත පොවනු නොහැකි දුරකින්...

සඟවන්න එපා...

සිළිසිලිය පවා සුළඟින්
තනි මැකුවෙ ඔබේ සුවඳින්
මේ දිවිය අතර මගකින්
මග නතර නොකොට හිනැහෙන්...

සඟවන්න එපා...

ආදර මල්වල - කසුන් කල්හාර, ඉන්ද්‍රචාප ලියනගේ

ආදර මල් වල පාට කියන්නද
මේ වගෙ ලස්සන තව නෑ
මේ වගෙ ලස්සන තව නෑ
මීදුම් පිණි පොද දෑස වසන් කල
සමනල් සිහිනය පිපුනා...
සමනල් සිහිනය පි පු නා...

දේදුනු රේඛා - දෑසම තවරා..
තවමත් මල් සිත - බලා සිටිනවා..
මීදුම් තවරා සුළඟක - ඈතක සගවා තුන්සිත
දෑස හොරෙන් ඈත‍ සොයනවා..
අදුර මැදින් එන්න සදලියේ...

දේදුනු සායම - දෑස‍ බොඳ කල
මාලති යායක හැලිලා...
මාලති යායක හැලිලා...
සීතල හිම කදු යාය පිය මැන
දෙව්ලිය සිහිනෙක වැ‍ඩියා
දෙව්ලිය සිහිනෙක වැ‍ඩියා...

නිලට නිලේ නිල් කැටේට - කසුන් කල්හාර, උරේෂා රවිහාරි

නිලට නිලේ නිල් කැටේට කඩා හැලෙන ජල කඳකට
සීත සදන උල්පත ඔබය
ඒ නිල් ජලකඳ මතුපිට අත්ලතබා හෙමි හෙමිහිට
තාල නඟන රළ පෙල ඔබය
නොසිදෙන පෙම් උල්පත ඔබය
බිඳෙනා පෙම් රළ පෙල ඔබය..

රතට රතේ පිපී වැනෙන නෙළාගන්න කියා කියන
පුදුම හිතෙන හිත් මල ඔබය
ඒ හිත්මල සිඹ සනසන නටුමත කටු ඇති බව දැන
සුවඳ විදින බඹරිදු ඔබය
පුදුම හිතෙන සිත්මල ඔබය
සුවඳ විදින බඹරිදු ඔබය..

ගිරා නිලට පැසී දිලෙන නෙලා ගන්න කියා කියන
නුරා ගොයම් යායම ඔබය
ඒ නව ගොයමේ කිමිදෙන ළය නියරේ නිති ඇවිදින
සරා සුවඳ මදනල ඔබය
නුරා ගොයම් යායම ඔබය
සරා සුවඳ මදනල ඔබය...

නිලට නිලේ නිල් කැටේට...

හන්තානට පායන සඳ - අමරසිරි පීරිස් ‍

හන්තානට පායන සඳ
ලස්සනයිද කියන්න...
මා නොදකින ඒ පුර හඳ
ඔබට හැකිය දකින්න...//

අඳුරු ලලා වහිනා කල
සරසවි බිම තෙමෙන්න...//
කුඩේ යටින් ඔබ යන කල
එපා තනිය දැනෙන්න...

ලතා මඩුළු අත වනාවි
එපා අහක බලන්න...//
මා ගැන මතකය ගුලිකර
මහවැලියට දමන්න...

හන්තානට පායන සඳ...//


mp3 ලින්කුව මෙතනින්

ලඳුනේ ලඳුනේ - අමරසිරි පීරිස්

ලඳුනේ ලඳුනේ
ඔබේ දෑස දැක ගත්තෙමි
සැදෑ කලෙක ලඳුනේ...ලඳුනේ
දෙනෝදහක් අතගත්තද
සැමියෙකු නැති ලඳුනේ
නෑයෙක් නැකම නොකියන
වීදි සරන ලඳුනේ...ලඳුනේ
තෙල් මල් ගෙන දෝත පුරා
මුණි කුටියට පියමංවන
‍ඔබේ දෑස දැක ගත්තෙමි
සැදෑ කලෙක ලඳුනේ...ලඳුනේ

බුදුන් දැක නිවන් දකිමැයි
දෙව්රම යන පාර අහන
ඔබද පටාචාරාවකි
ඔබද කිසාගෝතමියකි

පිරිමින්ගේ පාප කදට
දෝස විදින ලඳුනේ
අදුරේ පව් කරන දනා
එළිය ලබන ලඳුනේ
ලැම පමනක් ලොවට පෙනෙන
ලය නොපෙනෙන ලඳුනේ
කුහුඹුවකුට වරදක් නැති වැරදිකාර ලඳුනේ


mp3 ලින්කුව මෙතනින්

මගේ පුංචි රෝසමලේ - අමරසිරි පීරිස්

මගේ පුංචි රෝසමලේ
මමයි නුඹේ වියපත් බඹරා
නුඹ හීනෙන් වත්
නොදකින කුමරා...//

කළුවර රෑ සඳක් වගේ
අහසේ නුඹ ඉන්නව නම්
ආසයි මම නොකී කවිය - නුඹට කියන්න..
තරහක් නැ නුඹ බැසයන්න....

මගේ පුංචි රෝස මලේ...//

මගේ පුංචි නවාතැනේ
ඇවිදින් සැරි සරණවානම්
ආසයි මම කවුළුපියන් - හැරලා තියන්න..
තරහක් නැහැ නෑවිත් ඉන්න

මගේ පුංචි රෝස මලේ...//


mp3 ලින්කුව මෙතනින්
 

ආදරයේ උණුසුම් සුසුම් - අමරසිරි පීරිස්, නිරෝෂා විරාජිනී

ආදරයේ උණුසුම් සුසුම් සුවඳද මෙතරම්
එහෙනම් සැලමුතු පෙම තුළ නිසසල වී
ලොව නවතීවා සැනෙකින්
ආදරයේ උණුසුම් සුසුම් සුවඳද‍ මෙතරම්

දේදුණු දෙබැමින් ඉඟිකරමින් හිනැහෙන විට
අනේ ලෙන්ගතුදැයි කෙතරම්
බිළිඳකු‍ සේ ළමැදේ ගුලිවූ විටෙක ලොබින්
සත්තයි ඒ හැඩිදැඩි නුඹදැයි සිතේ

ආදරයේ උණුසුම්..//

සීතල දෙතොලින් සිසිල‍සකින් මුමුණනවිට
අනේ හීනෙන් දැයි නෑ‍ගෙයි
හාදු මතින් නළලේ උණුසුම් තිළක තියා
පිදුවේ ඒ නුඹගේ සෙවනැල්ල තමයි...

ආදරයේ උණුසුම්...//


mp3 ලින්කුව මෙතනින්

ඉකිගසා හඬන - අමරසිරි පීරිස්

ඉකිගසා හඬන අතීතයක
කඳුළු එක්ක ගනුදෙනු කරනා
මට මගේ නොවන
මගේම ආදරයක් තිබුණා...

හීනෙන් හිනැහී තුන්යම මා රවටා..
මැදියම් මහ රෑ අදටත් දුක ඉඟිලෙනවා..
නින්දෙන් ඇහැරී කළුවරේම යලි සොයනා..
මට මගේ නොවන..මගේම ආදරයක් තිබුණා..
මගේම ආදරයක් තිබුණා..

රිදුමක් වගේ කිසිදා සුව නොවෙනා..
සුසුමින් විතරක් නිරතුරුවම පිරිමදිනා..
මුහුණනු බැරිතැන උණු කඳුළුම වගුරුවනා..
මට මගේ නොවන..මගේම ආදරයක් තිබුණා..
මගේම ආදරයක් තිබුණා..//


mp3 ලින්කුව මෙතනින්

ත‍ටු ඇවිල්ලා - අමරසිරි පීරිස්

ත‍ටු ඇවිල්ලා
ඔබ ඔහේ යනවා
කොහොම කීවත්
නවත්වන්නට බෑ
ප්‍රේම ආලින්දයේ
එන්න නවතිමු
පය ගසාගෙන
මේ සොඳුරු පොළොවේ

කෙසේ නම් මම නවත්වන්නද
මල් රේණු රේණු සැලෙනා
හිවුඩු පිපෙනා පැතුම් පුරනා
අහස යට ඔබ පාවී යන්නා
තෙත සිඳුණු බොල්
හීන සුළඟ දිගේ

ත‍ටු ඇවිල්ලා...

නෙළූ පලවැල මග දමන්නද
දෙපා උඩුකුරු හිසින් බිම හිඳිනා
කුරුළු බිලිඳු හෙලන කඳුළු
මහමෙරක් යට
තනිව මා උන්නා

ත‍ටු ඇවිල්ලා...


mp3 ලින්කුව මෙතනින්